тарихтики бүгүн: 26– өктәбир

бүгүн 2019 – йили, 26– өктәбир, шәнбә.

• 1491 – йили бүгүнки күндә, трабзон рим империйәси фатиһ султан мәһмәт хан қоманданлиқидики османли империйәси қошуниға тәслим болди.
• 1923 – йили бүгүнки күндә, түркийә миллий командиси тунҗи қетим таксим тәнтәрбийә залида руминийә командиси билән мусабиқигә чүшти. мусабиқидә миллий командимиз 2  гә қарши 2 нәтиҗә билән тәңлишип қалди.
• 1991 – йиил бүгүнки күндә, түркийә армийәси ирақ чеграсидин өтүп, бөлгүнчи террорлуқ тәшкилати п к к террорчилириға қарши кәң көләмлик зәрбә бериш һәрикитини башлиди. 20 миң әскәр қатнашқан һәрикәт  давамида йүзләрчә террорчи бир тәрәп қилинди.
• 1994 – йили бүгүнки күндә, исраилийә билән ийорданийә оттурисида 46 йиллиқ урушқа хатимә бәргән «уруш тохтитиш келишими», икки дөләт оттурисидики чегра районда 5 миң киши қатнашқан мурасимда имзаланди.
• 2002 – йили бүгүнки күндә, москва тийатирханисида уда үч күн давамлашқан гөрүгә еливелиш һәрикити русийә алаһидә қисимлириниң 50 чечән милитандин сирт йәнә, гөрүгә еливелинған 800 кишидин 118 кишиниң өлүп кетиши билән нәтиҗиләнгән һәрбий һәрикити билән ахирлашти. рус алаһидә қисимлириниң һәрбий һәрикәттә зәһәрлик газ ишлитиши вә гөрүгә еливелиғанларниңму өлүп кетиши сәвәбидин, москва һөкүмити ғәрб әллириниң қаттиқ тәнқидигә учриди.