тарихтики бүгүн: 17– өктәбир

■ 1448 – йили  17 – өктәбирдә османли қошуни иккинчи қетимлиқ косово урушида көп санлиқи венгирлардин тәшкил тапқан әһли сәлп қошунини мәғлуп қилди.

■ 1777 – йили  17 – өктәбирдә америка әскәрлири әнглийәликләрни саратога җеңидә мәғлуп қилди. бу ғәлибидин кейин фирансийә, испанийә вә голландийә әнглийәгә қарши америка қошма иштатлириниң сепидин орун елип җәңгә қетилди.

■ 1933 – йили  17 – өктәбирдә алберт ейништейн натсист германийәсидин көчмән болуп америкиға барди.

■ 1938 – йили  17 – өктәбирдә кесили хелила еғирлишип қалған мустафа кәмал ататүркниң саламәтлик әһвали тоғрисида тунҗи «рәсмий уқтуруш» елан қилинди.

■ 1961 – йили  17 – өктәбирдә фирансийә сақчилири, дөләтлириниң мустәқиллиқини тәләп қилип парижда намайиш өткүзгән алҗирийәликләргә һуҗум қилди. тарих сәһипилиридин «париж қәтлиами» дәп нам алған вәқәдә 400 алҗирийәлик өлтүрүлди. бәзи намайишчиларниң җәсәтлири сеине дәрйасидин сүзүвелинди.

■ 1973 – йили  17 – өктәбирдә йәршари характерлик нефит киризиси йүз бәрди. нефит експорт қилғучи дөләтләр тәшкилати – опек, бәзи ғәрб дөләтлиригә исраилийә – сүрийә урушида исраилийәгә йардәм қилғанлиқини оттуриға қойуп нефит ембаргоси йүргүзүшкә башлиди. 10 әрәб дөлити нефит баһасини %70 өстүрүп, нефит ишләпчиқиришини һәр ай %5 азайтишни қарар қилди.

■ 2001 – йили  17 – өктәбирдә исраилийә билән пәләстинниң тинчлиқ орнитишиға қарши чиққан миллий бирлик партийәси башлиқи реһавам зееви қораллиқ һуҗумға учрап өлтүрүлди. һуҗумниң җавабкарлиқини пәләстин хәлқ азадлиқ фиронти үстигә алди.

■ 2016 – йили  17 – өктәбирдә мусулни даеш террорлуқ тәшкилатидин қутулдуруш үчүн ирақ армийәси 30 миң әскәр билән һәрбий һәрикәт башлиди.

■ 2018 – йили  17 – өктәбирдә түркийәниң дунйаға даңлиқ фото – сүрәт сәнәтчиси ара гүләр аләмдин өтти.