тарихтики бүгүн: 29 – йанвар
фәрай уз тәрипидин тәййарланған «тарихтики бүгүн» намлиқ пирограммимизни һузуруңларға сунимиз.
1134992
- йил 1886 29-йанвар...
- германийә машина енженери вә мотор лайиһәлигүчи карл бенз (Karl Benz) бензин билән һәрикәтлинидиған тунҗи моторниң патентини алди. бенз 1885-йили сетиш мәқситидә йасалған вә бензин билән һәрикәтлинидиған мотори бар тунҗи аптомобил моторваген (Motorwagen) ни йасиған иди. үч чақлиқ, алди чақи айлинидиған бу аптомобилниң мотори арқа тәрәптә болуп, дәл йолучилар олтуридиған олтуридиған орунниң астида иди.
- 1916-йил 29-йанвар, германийә биринчи дунйа уруши җәрйанида өзи йасап чиққан дирижаблни тунҗи қетим париж бомбардиманида ишләтти.
- бүгүнки күндә еланчилиқта көп ишлитилидиған дирижаблларниң мувәппәқийәтлик учуши, 1852-йили фирансийә енженери һенри гифард (Henri Giffard) тәрипидин әмәлгә ашурулған иди.
- дирижаблларни әң мувәппәқийәтлик һалда йасап чиққан конт фердинанд вон зеппелин (Kont Ferdinand Von Zeppelin) ниң исми қойулған дирижабллар, уруш җәрйанида париждин башқа, лондонни бомбардиман қилишқиму ишлитилди. кейинчә, хели узун йиллар йолучи тошуштиму ишлитилди. айропиланларниң тәрәққий қилиши нәтиҗисидә, 1950-йилға кәлмәйла ишләпчиқириштин тохтитилди.
- 1934-йил 29-йанвар, хәлқаралиқ филим фестивалиға қатнаштурулған вә тунҗи қетим түркийәдә ишләнгән «ләбләбиҗи хорхор аға» филимини сүрәткә елиш ахирлашти. түркийә тийатириниң пишвалиридин бири һесаблинидиған муһсин әртуғрул режиссорлуқ қилған, хәлқ ичидә мүмтаз осман дейилидиған, шаир назим һикмәт сенарийәләштүргән филим, шу йили 2-нөвәтлик венедик филим фестивалида «шәрәп дипломатийәси» мукапатиға лайиқ көрүлди.
- 1978-йил 29-йанвар, шиветсийә йәр шариға келидиған зийанлиқ нурларни тосидиған озан қатлимиға зийанл беридиғанлиқи үчүн туман чиқиридиған дориларни ишлитишни чәклиди вә бу хил чәклимини йолға қойған тунҗи дөләт болуп қалди.
مۇناسىۋەتلىك خەۋەرلەر
тарихтики бүгүн: 31 – декабир
илкәр ташқин тәрипидин тәййарланған «тарихтики бүгүн» намлиқ пирограммимиз һузуруңларда...
