шазийә әрдоған дунйа чимпейони болди

түркийә авази радийоси хәвири: тайландниң паттайа шәһиридә башланған чоңлар дунйа еғирлиқ көтүрүш чимпейонлуқини талишиш мусабиқисиға 87 дөләттин 606 тәнтәрбийәчи қатнашти.

түркийәгә вакалитән әрләр командисида 6 нәпәр вә айаллар командисида 6 нәпәр болуп, җәмий 12 нәпәр тәнтәрбийәчи қатнашти.

айаллар 45 келолуқлар бойичә өткүзүлгән мусабиқида, шазийә әрдоған йәрдин узуп елишта 77 кело билән алтун вә силкип көтүрүштә 92 кело билән көмүш медал алди вә җәмий 169 келолуқ дәриҗиси билән алтун медалға еришип, чоңлар дунйа еғирлиқ көтүрүш мусабиқисиниң дунйа чимпейони болди.

мусабиқидин кейин шазийә әрдоған мусабиқиларға интайин қойуқ бир пирограмма билән тәййарланғанлиқини, түркийә байриқини тайландта ләпилтип, истиқлал маршини оқутушниң өзини интайин шатлиққа чөмдүргәнликини ейтти.

җумһур рәис рәҗәп таййип әрдоғанму дунйа чимпеейони болған дөләтлик еғирлиқ көтүрүш маһири шазийә әрдоғанни алаһидә тәбриклиди.