يۈزلىگەن مۇتەخەسسىسلەر ئىمزا توپلىدى: سۈنئىي ئىدراكنى توختىتىڭ!

يۈزلىگەن مۇتەخەسسىسلەر ئىمزا توپلىدى: سۈنئىي ئىدراكنى توختىتىڭ!

كۆزنەك - 36

تۈركىيە ئاۋازى رادىيوسىنىڭ ھۆرمەتلىك ئىخلاسمەنلىرى، تۈركىيە جۇمھۇرىيىتىنىڭ پايتەختى ئەنقەرەدىن، تۈركىيە ئاۋازى رادىيوسى سىتۇدىيولىرىدىن ھەممىڭلارغا ئوتلۇق سالام! «كۆزنەك»كە خۇش كەلدىڭلار! «كۆزنەك» ناملىق سەھىپىمىزنىڭ بۇ ھەپتىلىك سانىدا، ھاياتلىق ئىنستىتۇتى تەرىپىدىن ئېلان قىلىنغان مەكتۇپتا يۈزلىگەن مۇتەخەسسىسنىڭ سۈنئىي ئىدراكقا قارشى چىقىشى ھەققىدە توختىلىمىز. ‎قېنى ئۇنداقتا دىققىتىڭلار پىروگراممىمىزدا بولسۇن.

***************

كەلگۈسى ھايات ئىنستىتۇتى تەرىپىدىن ئېلان قىلىنغان مەكتۇپتا سۈنئىي ئىدراك مودېللىرىنى تەرەققىي قىلدۇرۇش رىقابىتىنىڭ خەۋىپلەرنى ئاشۇرىۋاتقانلىقى ھەققىدە ئاگاھلاندۇرۇش بېرىلگەن بولۇپ،  پائالىيەتنى 6 ئاي توختىتىش تەلەپ قىلىندى.

ئېلون ماسك قاتارلىق مىڭدىن ئارتۇق مۇتەخەسسىس ئىمزا قويغان سۈنئىي ئىدراكقا قارشى مەكتۇپتا، سۈنئىي ئىدراك مودېللىرىنى تەرەققىي قىلدۇرۇش رىقابىتىنىڭ خەۋىپلەرنى ئاشۇرىۋاتقانلى ھەققىدە ئاگاھلاندۇرۇش بېرىلىپ، پائالىيەتنى 6 ئاي توختىتىش تەلەپ قىلىنماقتا.

كەلگۈسى ھايات تەتقىقات ئىنستىتۇتى تەرىپىدىن ئېلان قىلىنغان مەكتۇپتا: «كۈچلۈك سۈنئىي ئىدراك سىستېمىسىنى پەقەت تەسىرىنىڭ ئىجابىي بولىدىغانلىقى ۋە خەتەرلىرىنىڭ كونترول قىلىنىشقا قولاي بولىدىغانلىقىغا ئىشەنگەندىلا ئاندىن توغرا، بىخەتەر، ئىزاھلىغىلى بولىدۇ، روشەن، پۇختا، ماسلىشىشچان ۋە ئىشەنچلىك بولغاندىلا تەرەققىي قىلدۇرۇشقا بولىدۇ» دېيىلدى.

ئىمزا قويغۇچىلارنىڭ ئىچىدە ئېلون ماسك، ئالما شىركىتىنىڭ قۇرغۇچى شېرىكى ستېۋ ۋوزنىياك ۋە ئىنسانپەرۋەرلىك تارىخچىسى يۇۋال نوھ ھارارىغا ئوخشاش ئاتاقلىق شەخسلەرمۇ بار.

سۈنئىي ئىدراكقا قارشى مەكتۇپتا سۈنئىي ئىدراك ھەققىدە نېمىلەر دېيىلىدى؟

مۇستەقىل كەسپ ئىگىسى بولۇش ۋە خاتا ئۇچۇرنىڭ كۆپىيىشى مەكتۇپتا گەۋدىلەنگەن سۈنئىي ئىدراك تېخنىكىسىغا مۇناسىۋەتلىك ئىككى مۇھىم مەسىلە.

سۈنئىي ئىدراك تېخنىكىسىنى تەرەققىي قىلدۇرۇش ئۈچۈن، <GPT 4> ۋە شۇنىڭغا ئوخشاش سۈنئىي ئىدراك ھەل قىلىش چارىلىرىنىڭ «خەلققە ئاشكارا ۋە تەكشۈرگىلى بولىدىغان» بولۇشى كېرەككى  تەلەپ قىلىندى.

مەكتۇپنىڭ تېكىستىدە، «ئەگەر بۇ توختاش تېزدىن رەتكە سېلىنمايدىكەن، ھۆكۈمەتلەر ھەرىكەتكە ئۆتىشى لازىم ۋە ۋاقتىنچە توختىتىشنى ئىشقا ئاشۇرۇشى كېرەك» دېيىلدى.

ئېلون ماسك سۈنئىي ئىدراك ئىقتىدارىنىڭ 2025-يىلغا بارغاندا ئىنسانلاردىن ئېشىپ چۈشىدىغانلىقىنى ۋە ئىنسانلارنىڭ دەرىجىدىن تاشقىرى كومپيۇتېرلارنىڭ ئەرمەك ھايۋانلىرىغا ئايلىنىپ قېلىش خەۋپىنى تەخمىن قىلىۋاتقانلىقىنى بىلدۈرۈپ، ئۇزۇندىن بۇيان سۈنئىي ئىدراكنىڭ خەتىرىدىن ئاگاھلاندۇرۇپ كەلمەكتە.

كەلگۈسى ھايات تەتقىقات ئىنستىتۇتى، لوندوندىكى مەركىزىي قۇرغۇچىلار ئىقتىسادىي كاپالەتچى گۇرۇپپىسى بىلەن سېلىكون ۋادىسى كومىتېتى فوندى جەمئىيىتى تەرىپىدىن مەبلەغ بىلەن تەمىنلەنمەكتە.

مەنبە: ت ر ت خەۋەر