uyghur doppa medeniyet bayrimi

türkiye awazi radiyosi: doppa bayrimi-barliqqa kelgen sharait-yeni 2009-yili 5-ay uyghurlarning milliy özlük we kimlik heqqide izdinish qizghinliqi yuqiri boluwatqan, emma konkrét we emeliyetchil bolghan qurulush xaraktérlik, eneniwi milliy medeniyetke slah qilish we yéngiliq yaritish rohini birleshtürüp warisliq qilish kemchil boluwatqan bir mezgil idi. mushundaq chaghda tahir imin bashchiliqidiki yash ziyaliylarning teshebbusi bilen doppa bayrimi idiyesi otturigha qoyulup, tetqiqat we paaliyetler teshkillinip, uyghurlarning yéngi esrdiki medeniyet oyghinish herikitige bir qedem ilgirligen halda türtke boldi. yashlargha qayta hayatiy küch, qizghinliq we küchlük keypiyat bexsh etti. doppa bayrimi munaswiti bilen, uyghur élining her qaysi jaylirida, xitayning ichkiri ölkiliride yashawatqan yüzminglighan uyghur oqoghuchiliri arisida, chet elde muhajirette yashawatqan ilghar we milletperewr uyghurlar arisida türlük shekilde medeniyet-senet tebriklesh paalyetliri ötküzülüp, küchlük qizghinliq asasdiki birlik hem özini bashqa medeniyet igilirige tonitish herikiti qozghaldi. hetta, yerlik dairilerni deslepte qandaq muamile qilishni bilmeslik, bashqurushqa amalsz qélishqa, hetta chong sorunlarda doppa bayrimini tebriklesh paaliyetlirige süküt qilishqa mejbur qildi, chünki doppa bayrimi uyghurlarning qanunluq, medeniy we ilmiy bolghan medeniyet qoghdash hadisisi bolghanliqi üchün uni ashkara cheklesh mumkin emes idi.

doppa medeniyti uyghur milliy medeniyetining muhim yadrosi we tipik smowoli. uyghur doppa medeniyet bayrimi-ereb, ingiliz yaki hindi qatarliq bashqa her qandaq medeniyetni emes, uyghur milliy medeniytini menbe qilghan. shundaqla uyghurlarni merkez qilip tebriklinidighan, uyghurlarning öz milliy medeniytini chongqur hörmet qilish we qoghdashni, bashqilargha tonitishni merkez qilghan uyghurlarning omumiy medeniyet bayrimining yadroluq msali.
doppa bayrimi tebrikliniwatqan yillardin biri, doppa bayrimi heqqide nurghun paaliyetler ötküzüldi, uning ijtimaiy arqa körünüshi we bügünki zaman uyghurlarning siyasiy we medeniy hayatigha körstidighan tesiri heqqide tetqiqatlar élip birildi. uyghur doppa medeniyet bayrimi arqiliq uyghurlarning öz kimliki, milliy teweliki we medeniyet xasliqi, özlük éngini tonush we milliy rohni kucheytshte ijabiy rol oynidi.
uyghur doppa medeniyet bayrimi arqiliq uyghur atliq barliq kishlerning yurt, ijtimaiy arqa körünüsh, jns, yash, bayliq ayrimastin birdek halda uyghur kimliki astigha uyushush, yeni uyghurlarning birlikini kucheytishte kuchluk rol oynidi.

uyghur doppa medeniyet bayrimi-qanuniy we zamaniwi bolghan medeniyet hadissi. shunga, u bashqa milletler bilen bolghan alaqe, chüshinish we özara hörmette yashashqa paydiliq. bir qsim yashlar arisida doppa we uyghur eneniwi milliy medeniytige qarita chüshenmeslik, hetta doppa kiygüchilerni közge ilmasliqtek qarashlargha berhem berdi. qsmen sheher ahalisi we memuriy xadimlar arisida omumlishp qalghan xata qarash yeni doppni peqet matem murasmidila kiyimiz deydighan qarashqa xatime berdi. uyghurlarda qeshqer, atush, xoten sheherlirini merkez qilghan uyghur doppichiliq qol hünerwenchilik medeniytining tereqqiyati üchün keng purset bilen temin etti, shundaqla doppa hünerwenchiliki bilen shughullinidighan nechche onminglighan aile kishlirining tirikchiliki üchün bazar yaratti. uyghur rayonining sayahet asasi sowghat buyumi qatarida aptonom rayon we her qaysi derijilik sayahet idariliri, medeniyet tarmaqliri teripidin uyghurlarning alahide mehsulati dep mueyyenleshtürülüp, uyghur medeniyitining tashqi kimliki bolup qaldi. qsqisi, doppa medeniyiti keng omumlashqan bir medeniyet hadisisi süpitide uyghurlarda öz medeniyitini qoghdash dolquni qozghidi.