yénikapi meydanidiki yashlar féstiwali pütün istanbulni hayajangha saldi
féstiwalda ötküzülidighan bu yilliq yaghliq chilishish musabiqisida 300 din artuq pehliwan riqabetke chüshidu. at üstide maharet körsitish paaliyiti, eneniwiy chédir öyler, 26 türlük ösmürler tenterbiyesi tonushturilidu.
türkiye awazi radiyosi xewiri: istanbuldiki yénikapi meydani bügün yashlar féstiwaligha sehne boldi.
enenewiy tenterbiye türlirini janlandurush üchün xelqara etnék tenterbiye fédératsiyesi teripidin 2 – nöwetliki ötküzülgen «etnik tentebiye kültür féstiwali» bilen «istanbul yashlar féstiwali»ni tonushturush yéghini ötküzüldi.
yénikapi meydanida tünügün bashlanghan we 7 - mayghiche dawamlishidighan istanbul yashlar féstiwali shundaqla «oq yadin chiqidu» dégen shoar bilen 11 – maydin 14 – mayghiche dawamlishidighan entik tenterbiye kültür féstiwaligha alaqidar axbarat élan qilish yighini chaqirildi.
türkiye yashlar we tenterbiye ishliri ministiri akif chaghatay qilich entik tenterbiye kültür féstiwalining ehmiyiti heqqide toxtilip, yashlarning memlikitimizning qimmet qarashliri we meniwiy bayliqliri bilen uchrishishi shundaqla tariximizning ulugh xatirilirige sahip chiqishi üchün intayin muhim bir purset ikenlikini éytti.
xelqara entik tenterbiye fédératsiyesi bashliqi bilal erdoghan, tünji nöwetlik entik tenterbiye kültür féstiwalining ötken yili ötküzülgenlikini eslitip: «aldinqi yili ötküzgen féstiwalimiz zor qiziqishqa érishti. üch kün jeryanida 150 mingdin artuq kishi féstwalgha qedem teshrip qildi. bu qétimqisini yénikapi meydanida ötküzimiz. ötken yilgha sélishturghanda téximu köp kiishilerning qatnishishini mölcherlimektimiz» dédi.
istanbul yashlar féstiwali 6 senet körgezmisi achidu. entik tenterbiye kültür féstiwali bolsa, 11 türlük eneniwiy tenterbiye musabiqisigha sehne bolidu.
féstiwalda ötküzülidighan bu yilliq yaghliq chilishish musabiqisida 300 din artuq pehliwan riqabetke chüshidu. barliq tenterbiye türliri boyiche 843 neper tenterbiyechi qéstiwalgha ishtirak qilidu. at üstide maharet körsitish paaliyiti, eneniwiy chédir öyler, 26 türlük ösmürler tenterbiyesi tonushturilidu.
tömürchi ustining maharet körsitish nomurlirimu bolidu. 28 türlük qol - hüner seniti tonushturilidu.
türkiye hemkarliq we kordinatsiye agéntliqi (TİKA) ning türk yézisimu körgezme qilinidu.
