israiliye eskerliri gherby qirghaqtimu pelestinliklerni öltürüshni dawamlashturmaqta
israiliye eskerliri ishghaliyet astidiki gherby qirghaqning shimaligha jaylashqan tulkerim we tubas sheherliride, bir kichik balini qoshqanda jemiy ikki pelestinlikni öltürdi.
türkiye awazi radiyosi xewiri: tulkerim shehiridiki sabit doxturxanisining yazma bayanatida, «israiliye eskerliri atqan oqlarning nishani bolghan 21 yashliq yüsüp abdudaim shéhit boldi» déyildi.
guwahchilardin igilengen uchurlargha asaslanghanda, israiliye eskerliri tulkerim shehiri yénidiki zenabe yézisigha bésip kirgen. bu jeryanda, binalarning ögzisige mergenlerni orunlashturup, yézidiki nurghun öyler axturulghan. israiliye mergenlirining qalaymiqan oq chiqirishi netijiside tulkerimdiki pelestin xuduri téxnika uniwérsitéti qurulush fakultéti oqughuchisi abdudaim shéhit qilinghan.
israiliye qisimliri yene, ishghaliyet astidiki gherbiy qirghaqqa qarashliq tubas shehirige yéqin fariya panahlanghuchilar lagérighimu hujum qildi.
pelestinning resmiy xewer agéntliqi «wafa»(WAFA) ning xewirige asaslanghanda, israiliye eskerliri fariya panahlanghuchilarlagéridiki pelestinliklerning öylirige bésip kirgen.
israiliye eskerlirining bésip kirishige naraziliq bildürgen pelestinliklerge qarshi rast oq étilghan.
hujum jeryanida 15 yashliq mehmud nibrasi étip öltürülgen we töt pelestinlik yaridar qilinghan.
