awstiraliyede israiliyening wehshiylikige qarshi namayish tosqunluqqa uchridi
awstiraliye saqchiliri israiliyening ghezzege qarita élip bériwatqan wehshiyane hujumigha narazliq bildürgen minglighan namayishchigha qara much gazi ishlitip tarqitiwétishke urundi.
türkiye awazi radiyosi xewiri: awstiraliye mélborn shehiride «pelestinge erkinlik» shoari astida ötküzülgen namayishqa texminen 3 ming kishi qatnashti.
namayishchilarni tarqitiwétish üchün rayongha yétip barghan saqchilar, sheher merkizige yighilghan pelestinni qollighuchilargha qara much gazi siqti. namayish jeryanida saqchilar bilen namayishchilarotturisida malimanchiliqlar yüz berdi.
namayishchilar saqchilarning ikki terep arisida malimanchiliq chiqishtin burunla qara much gazi ishlitishni bashlighanliqini bildürdi.
yene bir terepte, sidnéy shehiride amérika konsulxanisining 9 dérizisi kaltek bilen chéqip tashlandi. konsulxanining kirish ishikige qizil boyaq bilen pelestin qollighuchiliri ishlitidighan simwolluq tetürüchbulung sizildi.
awstiraliye bash ministiri antoniy albanis weqeni eyiblep, «hörmet asasidiki siyasiy munazire we sözler» ge chaqiriq qildi.
