b d t: «ghezzede binalarning yérimidin köpreki pütünley weyran qilindi»
birleshken döletler teshkilati israiliyening 7 - öktebirdin buyan hujum qilishni toxtatmighanliqini we ghezze rayonida binalarning yérimidin köprekining weyran bolghanliqini élan qildi.
türkiye awazi radiyosi xewiri: b d t ning yéqin sherqtiki pelestinlik panahlanghuchilargha yardem bérish we mülkiyet idarisi ijtimaiy taratqu bétide ghezze weziyitige munasiwetlik bayanat élan qildi.
bayanatta, ghezzediki weyranchiliqning teswirligili bolmaydighan derijide ikenliki tekitlendi we rayondiki binalarning yérimidin köprekining weyran bolghanliqi bildürüldi.
bayanatta, israiliyening hujumi keltürüp chiqarghan xarabiliqlarni tazilash üchünmu bir qanche yil waqit kétidighanliqi eskertilip: «bu urushning pisxikiliq buzghunchiliqidin qutulushqa téximu uzun waqit kétidu» déyildi.
bayanatta yene, ghezzediki yüz bergen azab - oqubetlerning axirlishishi kérekliki tekitlinip, urush toxtitish telep qilindi.
ghezzediki hökümetning axbarat idarisi teripidin 24 - mayda élan qilinghan bayanatqa asaslanghanda, israiliye qisimliri 7 - öktebir (2023) din buyan ghezzege 77 ming tonna partlatquch atqan, ghezzede 87 ming öy pütünley weyran bolghan we jemiy 297 ming qorojay éghir ziyangha uchrap ishletkili bolmaydighan halgha kélip qalghan.
b d t ning ilgiriki élan qilghan bayanatida, ghezzediki bina xarabiliqlirini tazilash üchünla 14 yil waqit kétishi mumkinliki bildürülgen idi.
