kolombiye pirézidénti israiliye bilen diplomatik munasiwetni üzüshni qarar qildi
kolombiye pirézidénti gustaw pétro israiliye bilen diplomatik munasiwetni üzüsh qararini qollidi.
türkiye awazi radiyosi xewiri: gustaw pétro ammiwi ortaqlishish tor bétidiki sehipiside élan qilghan bayanatida, öktichilerning kolombiye hökümitining israiliye bilen diplomatik munasiwetni üzüsh qarari toghrisidiki tenqidige jawab bérip mundaq dédi:
«irqiy qirghinchiliq yüz bériwatqan bir peytte munasiwetni üzmeslik herqandaq bir normal adem qobul qilalaydighan ehwal emes. derweqe, nöwette israiliye teripidin insaniyetke qarshi jinayet sadir qiliniwatidu, halbuki, hemmimiz insanmiz.»
kolombiye israiliye ghezzediki pelestin xelqige qaritilghan hujumlirini dawamlashturuwatqanliqi seweblik 5-ayning 3-küni (2024) israiliye bilen diplomatik munasiwetni üzgenlikini uqturghanidi.
hökümetning israiliye bilen diplomatik munasiwetni üzüsh qarai, kolombiyening sabiq pirézidéntliri iwan duk we juan manuél santos teripidin qattiq tenqid qilinghanidi.
