җо байдин иранниң исраилийәдин өч елиши мумкинликини билдүрди

түркийә авази радийоси хәвири: ақсарайда мухбирларға байанат бериш җәрйанида байдиндин иранниң исраилийәгә қилидиған еһтималлиқ даирисидики һуҗуми тоғрисида соал соралди.

байдин иранниң қанчилик қисқа вақит ичидә исраилийәгә һуҗум қилиши мумкинликигә даир соалға җаваб берип: «ишәнчлик учурға еришишни халаймән, әмма мениң мөлчәримчә һәр қандақ вақитта йүз бериши мумкин» деди.

байдин иранни исраилийәгә һуҗум қилмаслиқ тоғрисида агаһландуруп: «биз өзимизни исраилийәни қоғдашқа атидуқ. биз исраилийәни қоллап – қуввәтләймиз. исраилийәни қоғдашқа йардәм қилимиз, иран мувәппәқийәт қазиналмайду» деди.

исраилийә 1 - апрелда иранниң дәмәшиқтә турушлуқ баш әлчихана туралғусидики консулхана бинасиға һавадин һуҗум қилған вә һуҗумда иран инқилабни муһапиәт қилиш қисимлиридин 7 киши қаза қилған иди.

иран рәһбири айәтуллаһ әли һаманий исраилийәниң дәмәшиқтики иран консулханисиға қилған һуҗуминиң иран земиниға һуҗум қилғанлиқ болидиғанлиқини тәкитләп: «иплас һакимийәт бир хаталиқ садир қилди, чоқум җазалиниши керәк вә җазлиниду» дегән иди.