галлант иранға тәһдит салди

түркийә авази радийоси хәвири: исраилийә рәсмий телевизийә қанили — канниң хәвиригә қариғанда, галлант теһран билән тел авив оттурисидики зиддийәт күчийип кәткән бир пәйттә, дөлитиниң исраилийәниң шималидики әскәрлирини зийарәт қилған вә у йәрдики сөзидә, дөлитиниң бирдин көп фиронтта һуҗумға учриғанлиқини илгири сүрүп: «оттура шәрқниң қәйиридә болушидин қәтийнәзәр, исраилийә земиниға һуҗум қилғанларға <тез сүрәттә шиддәтлик һуҗум қилип қандақ зәрбә беридиғанлиқлирини> көрситип қойғанлиқлири»ни ейтқан.

у сөзини давамлаштуруп: «исраилийәниң инкаси наһайити үнүмлүк болиду вә  биз йиллардин буйан мувәппәқийәт қазинип кәлгән ишларниң бири, дүшмән бизниң униңға қарши қандақ һәйран қаларлиқ ишларни қилидиғанлиқимизни һәргизму биләлмәсликидур» дегән.

исраилийә 1-апрел иранниң дәмәшиқтики әлчиханисиниң консулхана бинасиға һавадин һуҗум қилип, иран инқилаб  муһапизәтчилири қисимлириниң икки генералини өз ичигә алған йәттә әскирини өлтүргән. һуҗумда йәнә сүрийә пуқраси алтә киши һайатидин айрилғаниди.