ئۇكرائىنا روسىيەنىڭ بېلگورود شەھىرىگە ھۇجۇم قىلدى
ئۇكرائىنانىڭ رۇسىيەنىڭ بېلگورود شەھىرىگە قىلغان ھۇجۇملىرىدا، بىر كىشى قازا قىلدى.
![ئۇكرائىنا روسىيەنىڭ بېلگورود شەھىرىگە ھۇجۇم قىلدى](http://cdn.trt.net.tr/images/xlarge/rectangle/4adf/b487/04b8/65fd3f095e972.jpg?time=1718534347)
تۈركىيە ئاۋازى رادىيوسى خەۋىرى: بېلگورود ۋالىيسى ۋىياچېسلاۋ گلادكوۋ ئىجتىمائىي ئالاقە تورىدا ئېلان قىلغان باياناتىدا، 23-مارت سائەت 07:00 دىن 24-مارت سائەت 07:00 گىچە ئۇكرائىنا قوراللىق قىسملىرىنىڭ قىلغان ھۇجۇمىدا، بىر كىشىنىڭ قازا قىلغانلىقىنى ۋە 7 كىشىنىڭ يارىلانغانلىقىنى بىلدۈردى.
گلادكوۋ ھۇجۇملار سەۋەبىدىن شەھەردە ماددىي زىيان كۆرۈلگەنلىكىنى تەكىتلەپ: «214 تۇرالغۇ، 32 كۆپ قەۋەتلىك تۇرالغۇ، 34 ئايرىم ئۆي، 1 ئامبار، 3 دەم ئېلىش مەركىزى، 9 سودا ئەسلىھەسى ۋە 40 ئاپتوموبىل زىيانغا ئۇچرىدى» دېدى.
گلادكوۋ رۇسىيە ھاۋا مۇداپىئە سىستېمىسىنىڭ كەچتە بېلگورود رايونى ئاسمىنىدا ئۇكرائىناغا تەۋە 22 نىشاننى ئېتىپ چۈشۈرگەنلىكىنى ۋە ھۇجۇمدا 4 كىشىنىڭ يارىلانغانلىقىنى بىلدۈردى.
رۇسىيە دۆلەت مۇداپىئە مىنىستىرلىقىمۇ ئۇكرائىنا ئارمىيەسىنىڭ موسكۋا ۋاقتى 17:50 ئەتراپىدا RM-70 Vampire تىپلىق كۆپ نولۇق راكېتا قويۇپ بېرىش سىستېمىسى بىلەن رۇسىيەگە ھۇجۇم قىلغانلىقىنى بىلدۈردى.
باياناتتا: «بېلگورود رايونىدىكى ھاۋا مۇداپىئە سىستېمىسى تەرىپىدىن 22 باشقۇرۇلىدىغان بومبا پاچاقلاپ تاشلاندى» دېيىلدى.