amérikaliq paaliyetchiler nyuyorkta israiliyege qarshi 24 saetlik toxtawsiz namayish bashlidi
amérikaning nyuyork shehiride pelestinni qollighuchi amérikaliq paaliyetchiler israiliyening ghezzediki puqralargha qaratqan qirghinchiliqini axirlashturushini we derhal urush toxtitish élan qilishini telep qilip, 24 saetlik toxtawsiz namayish bashlidi.
türkiye awazi radiyosi xewiri: nyuyork sheherlik hökümet binasining baghchisigha jem bolghan amérikaliq paaliyetchiler, ghezzede derhal we menggülük urush toxtitilmighuche paaliyetlirini dawamlashturidighanliqlirini élan qildi.
nurghunlighan ammiwi teshkilatlarmu qollighan 24 saetlik toxtawsiz namayishta, nutuq sözligüchiler amérikani israiliyeni qollashtin waz kéchishke chaqiriq qildi.
amérikaliq paaliyetchiler nyuyork sheher bashliqi érik adamsqa we sheherlik hökümet kéngesh ezalirigha awalirini anglitishqa tirishti.
nyuyorkta turushluq bir qisim yehudiy amérikiliqlarmu israiliyening ghezzede «irqiy qirghinchiliq» qiliwatqanliqini we özlirining tölewatqan bajliri bilen buni qollashni xalimaydighanliqilirini yuqiri awazda bayan qildi.
paaliyetchiler sheherlik hökümet binasining aldidiki piyadiler yoligha ghezzede hayatidin ayrilghan onminglighan puqralarning ismi yézilghan chong pilakatni achti.
«pelestinge erkin!», «derhal we hazirla urush toxtitinglar!», «bajlirimizni israiliyege ewetmenglar!» we «irqiy qirghinchiliqni qollimanglar!» dep shoarlarni towlidi.
israiliyening 7-öktebirdin buyan ghezze rayonigha qiliwatqan wehshiyane hujumilirida köpinchisi kichik balilar bolup, 30 mingdin artoq pelestinlik shéhit boldi.
