америка шималий корейәниң русийәни башқурулидиған бомба билән тәминлигәнликини илгири сүрди

түркийә авази радийоси хәвири: америка қошма иштатлири һөкүмити шималий корейәни русийәни баллистик башқурулидиған бомба вә башқурулидиған бомба қойуп бериш супилири билән тәминләш билән әйибләп, мәзкур башқурулидиған бомбиларниң бәзилириниң москва тәрипидин украинаға қойуп берилгәнликини илгири сүрди.

ақсарай дөләт бихәтәрлик кеңишиниң истратегийәлик алақә маслаштурғучиси җон кирби йеқинқи мәзгилләрдики русийә – шималий корейә  йеқинлишиши тоғрисида тохталди.

җон кирбй американиң ибмарголиридин кейин, русийәниң қорал-йарағ вә оқ-дориға еришиш даириси тарайған болғачқа, райондики шериклири билән техиму көп һәрбий һәмкарлиқ орнитишниң койиға киргәнликини илгири сүрди.

шималий корейәниң бу мусапидә русийәни баллистик башқурулидиған бомба билән тәминлигәнликини билдүргән кирбй: «қолимиздики учурлар корейә демократик җумһурийитиниң йеқинда русийәни баллистик башқурулидиған бомба вә башқурулидиған бомба билән тәминлигәнлкини көрсәтмәктә. русийә қисимлири 30 – декабирда мәзкур бомбилардин кәм дегәндиму бирини украинаға атти» деди.

кирби 2-йанвар байанат берип, русийәниң техиму көп шималий корейә башқурулидиған бомбилирини украинаға атқанлиқини ениқлап чиққанлиқлирини, бу җәрйанни йеқиндин көзитиватқанлиқлирини билдүргәниди.