makron israiliye hujum nishani qilghan ghezzediki katolik chérkaw heqqide toxtaldi
firansiye pirézidénti émmanuél makron israiliye hujum nishani qilghan ghezzediki katolik chérkawining pajielik ehwalidin qattiq endishe qiliwatqanliqlirini bildürdi.
türkiye awazi radiyosi xewiri: firansiye élisé sariyi teripidin élan qilinghan bayanatqa asaslanghanda, makron xiristiyan dunyasi tebrikleshke teyyarliq qiliwatqan rozhdéstwa bayrimidin ilgiri quddusning latin patriki, bash pop pirébattista pizzaballa bilen téléfonda körüshken.
söhbette, makron 16-dékabirda ghezzediki muqeddes aile katolik chérkawigha israiliye eskerliri qilghan hujumda qaza qilghan ikki xiristiyan üchün bash pop pizzaballagha teziye bildürgen.
makron israiliye eslerliri ghezzede hujum nishani qilghan we her xil dindiki yüzligen puqralar panahlanghan muqeddes aile katolik chérkawidiki pajielik weziyettin chongqur endishe hés qilghanliqlirini bildürgen.
makron firansiyening quddustiki konsulxanisi arqiliq xiristiyan jamaetlirini qoghdashtiki mesuliyiti we roligha dair wede bérip, «tarixi miras» dep teswirligen bu mesuliyetning xiristiyan jamaiti duch kéliwatqan nöwettiki xeterler aldida toluq ada qilinidighanliqini tekitligen.
