xitay ukrainagha qarshi rusiyeni qollash arqiliq yawropagha urush oti tutashturmaqchi

türkiye awazi radiyosi xewiri: stolténbérg gérmaniyening  «Welt am Sonntag» gézitige bergen bayanatida: «xitay gherb bilen yaxshi munasiwetni saqlap qélishni xalaydighanliqini dawrang qilidu yu, emma béyjing dairiliri yene bir tereptin yawropagha urush otini tutashturushqa qutratquluq qiliwatidu, her ikki ishni teng qilalmaysiler» dédi.

stolténbérg rusiyening ukrainadiki urushida xitayning qollap quwwetlishining hayati ehmiyetke ige boluwatqanliqini  tekitlep: «moskwa dairilirining ukrainagha qarshi bashqurulidighan bomba, tanka we ayropilan ishlepchiqirishta ishlitiwatqan zapchasliri, mikro éléktron we bashqa téxnikilarni sétip bérishte roshen éshish bar» dédi.

shimaliy atlantik ehdi teshkilati bash katipi stolténbérg nato qisimlirini ukrainagha ewetish yaki natoning hawa mudapie sépini ukrainaghiche kéngeytish dégendek birer pilanining yoqliqini eskertip, natoning bu toqunushning bir parchisi bolmaydighanliqini yene bir qétim tekitlidi.

stolténbérg shimaliy atlantik ehdi teshkilatigha eza döletlerni ukrainani téximu köp qollashqa chaqiriq qilip, «eger (rusiye pirézidénti wiladimir) putin ukrainada xalighinini qilip yüriydighan bolsa, yawropada uzun muddetlik bixeterlik bolmaydu. dunya bir pütün halda téximu muqimsiz halgha kélidu. biz rusiyeni téximu bek tajawuzchiliqtin tosushimiz kérek. putingha qaritilghan bésim siyasiti kargha kelmeydu» dégen qarashlirini otturigha qoydi.