rusiyening xarkiwdiki bir magzingha qilghan hujumida 4 puqra qaza qilip, 38 kishi yarilandi
ukrainaning xarkiw shehiride qurulush matériyalliri satidighan bir magzingha rusiye qilghan hujumda, kem dégende 4 puqra qaza qilip, 38 kishi yarilandi.
türkiye awazi radiyosi xewiri: ukraina pirézidénti wiladimir zélénskiy ijtimaiy alaqe hésabatidiki yazmisida, rusiye armiyesining xarkiwdiki puqralarning ül eslihelirige hujum qilghanliqini bildürdi.
zélénskiy qurulush matériyalliri satidighan magzinning hujumgha uchrighanliqini bildürüp, hujum netijiside ot apiti yüz bergen peytte, magzinning ichide nurghun xizmetchi we ziyaretchlerning barliqini éytti.
xarkiw rayoni herbiy ishlar idarisi bashliqi olég sinégubowmu ijtimaiy alaqe hésabida hembehirligen uchurida, magzingha 2 yétekchi hawadin bashqurulidighan bombining chüshkenlikini, hujumda kem dégende 4 kishi qaza qilip, 38 kishining yarilanghanliqini bildürdi.
olég sinégubow 16 kishdin téxiche héchqandaq xewer yoqliqini uqturdi.
yene bir tereptin, rusiyening bélgorod rayonluq waliysi wiyachéslaw gladkow ijtimaiy alaqe hésabidiki bayanatida, ukraina qoralliq qisimlirining oktiyab kentige köp noluq rakéta qoyup bérish sistémisi bilen qilghan hujumida 2 kishi qaza qilip, 10 kishining yarilanghanliqini bildürdi.
wiyachéslaw gladkow yarilanghanlarning hemmisining bedinining oxshimighan jaylirida bomba parchiliri bilen yarilinish barliqini, hujumda 22 turalghu we 23 aptomobilningmu ziyangha uchrighanliqini éytti.
مۇناسىۋەتلىك خەۋەرلەر
gérmaniyede bir qehwexanida partlash yüz berdi
gérmaniyening kölin shehiridiki bir qehwexanida yüz bergen partlashta ikki kishi yénik yarilandi.