җамму кәшмирдә тоқунуш йүз берип, төт әскәр өлди
һиндистанниң җамму кәшмир районида қаршилиқ көрсәткүчиләр билән һиндистан бихәтәрлик қисимлири оттурисида тоқунуш йүз берип, төт һиндистан әскири өлди.
түркийә авази радийоси хәвири: бирләшмә агентлиқи (AP)ниң һиндистан һәрбий мәнбәлирини асас қилған хәвиридә көрситилишичә, түнүгүн әтигән раҗури райониниң җәнубидики орманлиқта қаршилиқ көрсәткүчиләр билән әскәрләр оттурисида тоқунуш йүз берип, иккиси йүз беши болуп, җәмий төт нәпәр һиндистан әскири өлгән.
«идиан експрес» гезити, тоқунушта бир қаршилиқ көрсәткүчиниң һайатидин айрилғанлиқини хәвәр қилди.
һиндистан мәтбуатлиридики хәвәрләрдә йәнә, районға запас қисимларниң әвәтилгәнлики вә қаршилиқ көрсәткүчиләргә қарши һәрбий һәрикәтниң давам қиливатқанлиқи қәйт қилинди.
17-нойабир һиндистан армийәсинң җамму кәшмирниң қулгам районида қаршилиқ көрсәткүчиләргә зәрбә бериш һәрикити елип берип, бәш қаршилиқ көрсәткүчини бир тәрәп қилғанлиқи уқтурулғаниди.
