baydin shi jinpingni hazrimu «diktator» dep qaraydighanliqini bildürdi

türkiye awazi radyosi xewiri: s n n (CNN) qanilining xewirige asaslanghanda, pirézidént baydin san firansiskoda ötküzülgen asiya-tinch okyan iqtisadiy hemkarliq (APEC) bashliqlar yighini dairiside, shi jinping bilen körüshkendin kéyin muxbirlarning soallirigha jawab bergen.

baydin özining shi jinpingni hazirmu «diktator» dep qaraydighanliqini bildürüp: «qaranglar, u pütünley bizningkige oxshimaydighan bashqurush sistémisini asas qilghan kommunist döletni bashquruwatqan bir adem bolushi nuqtisidin diktator hésablinidu» dédi.

pirézidént baydin shi jinping bilen élip barghan muzakirelerde ilgirileshlerni qolgha keltürgenliklirini éytti.

amérika bilen xitay tünügün (16-noyabir) eyni chaghda awam palatasi bashliqi nensi pélosining 2022-yili teywen ziyaritidin kéyin üzülüp qalghan herbiy diyalogni qaytidin ornitish kélishimi hasil qildi.

baydin ilgirimu shi jinpingni «diktator» dep ima qilghan idi.

baydin kaliforniyede ötküzülgen shi jinpingni kütüwélish yighinida söz qilip, shi jinpingning féwralda amérika hawa sahesige kirgen xitay jasusluq sharining étip chüshürülüshige  naraziliqini bildürüsh sewebining «u sharning otturida mewjutluqini bilmeydighanliqi» ni éytqan idi.

baydin: «men estayidil dewatimen, néme ish yüz bergenlikini chüshenmigen waqt, diktatorlargha nisbeten nomus menbesi» dégen idi.

xitay  baydinning shini «diktatur» déyishige qarita «bimene we mesuliyetsizlik» dep jawab qayturghan idi.

xitay tashqi ishlar ministirliqi bayanatchisi mawning baydinning sözige qarita: «bu inkas heqiqetke pütünley zit, diplomatik kélishimlerge éghir xilapliq qilishtin bashqa yene, xitayning siyasiy inawitige éghir ziyan yetküzgenliktur» dégen idi.