israiliye jibaliye musapirlar lagérigha hujum qilghanliqini étirap qildi
israiliye armiyesi qamal astidiki ghezzening puqralar turuwatqan jibaliya musapirlar lagéri ahaliler rayonigha qilghan hujumning jawabkarliqini üstige aldi.
türkiye awazi radiyosi xewiri: israiliye armiyesi bayanatchisi daniyal xagari muxbirlarni kütüwélish yighini ötküzüp, ghezzege jaylashqan jibaliya musapirlar lagéridiki nurghun puqraning ölümini keltürüp chiqarghan hujumni özlirining qilghanliqini bildürdi.
u, israiliye armiyesi quruqluq arqiliq ghezzege kirgendin kéyin, hamas (pelestin islamiy qarshiliq körsitish herikiti)ning «urushqa rehberlik qiliwatqan» yuqiri derijilik emeldari ibrahim biarigha zerbe bergenliklirini ilgiri sürdi.
israiliye armiyesi bayanatchisi özlirining bu hujum arqiliq «nurghun térrorchi»larni öltürgenliklirini, rayonda «keng dairilik herbiy ul eslihe bolghachqa, uning bashqa binalarningmu örülüp chüshüshi»ni keltürüp chiqarghanliqini ilgiri sürdi.
ghezzediki sehiye ministirliqi, deslepki éniqlashlargha qarighanda, israiliyening jibaliya musapirlar lagérigha qilghan tünügünki hujumida 100 kishining qaza qilghanliqini élan qilghanidi.
