иккинчи йардәм әтрити «рәфаһ чегра еғизи» дин өтти
исраилийәниң қоршави астидики ғәззә райониға қарап йолға чиққан иккинчи инсанпәрвәрлик йардәм аптомобил әтрити «рәфаһ чегра еғизи» дин өтти.
түркийә авази радийоси хәвири: «рәфаһ чегра еғизи» ахбарат ишлири ишханисиниң мудири ваил әбу муһсинниң ейтишичә, мисирниң йемәклик, дора вә су қачиланған 14 йүк аптомобили «рәфаһ чегра еғизи» дин өткән.
әбу муһсинниң әскәртишичә, бу йүк аптомобиллири аввал бирләшкән дөләтләр тәшкилатиниң йеқин шәрқтики пәләстин мусапирлириға йардәм бериш вә хизмәт оргиниға йәткүзүп берилидикән, андин пәләстинликләргә тарқитилидикән.
бирләшкән дөләтләр тәшкилати инсанпәрвәрлик вә җиддий йардәм ишлири мәсули мартин гирифитис, аммиви ортақлишиш тор бети X сәһиписидә, ғәззә чеграсидин өткән 14 йүк машинисидин тәркиб тапқан инсанпәрвәрлик йардәм аптомобил әтрити һәққидә елан қилған байанатида, мундақ деди:
«инсанпәрвәрлик йардимигә моһтаҗ милйонлиған кишиләргә нисбәтән кичиккинә болсиму йәнә үмид чириғи йанди.»
җәмий 20 йүк машинисидин тәркиб тапқан тунҗи инсанпәрвәрлик йардәм әтрити 21-өктәбир (2023) күни ғәззәгә киргәниди.
