bulghariye, türkiye we roméniye birlikte mina tazilaydu
bulghariye dölet mudapie ministiri todor tagaréw bulghariye, türkiye we rominiyening pat yéqinda qara déngizda mina tazilash herikitini élip baridighanliqini bildürdi.
2053993
türkiye awazi radiyosi xewiri: ministir tagaréw paytext sofiyada ötküzülgen «ukrainada tinchliqni qolgha keltürüsh» témiliq xelqaraliq yighinda söz qilip, qara déngizgha qoshna bolghan bulghariye, türkiye we rominiyening mina tazilash xizmetliride mas heriket qilidighanliqini otturigha qoydi.
u sözini dawamlashturup: «pat yéqinda bulghariye, türkiye we rominiye qara déngizda birleshme mina izdesh herikitini bashlaydu. heriket bashlinishtin ilgiri bezi intayin kichik tepsilatlarni konkrétlashturushqa toghra kélidu. bu heriket döletlirimizning déngiz tewelikidiki bixeterlikini kücheytidu» dédi.
tagaréw ukraina qisimlirining mina tazilash herikitige qatnishishining pilanda yoqloqini sözlirige ilawe qildi.
