волкәр түрк қуран кәримгә қилинған һөрмәтсизликләргә наразилиқ билдүрди
бирләшкән дөләтләр тәшкилати(б д т)кишилик һоқуқ алий комиссари волкәр түрк қуран кәримгә қилинған һөрмәтсизлик қилиш вә уни көйдүрүш қилмишлирини,болупму зораванлиқ вә бөлүнүшкә елип баридиған қутратқулуқ қилмишлирини рәт қилидиғанлиқлирини билдүрди.
түркийә авази радийоси хәвири: б д т кишилик һоқуқ алий комисари волкәр түрк, б д т кишилик һоқуқ кеңишиниң 54- қетимлиқ йиғини даирисидә өткүзүлгән «кәмситиш, дүшмәнлик йаки зораванлиқни кәлтүрүп чиқиридиған диний өчмәнликниң түп сәвәби вә униң кишилик һоқуққа көрситидиған тәсири» темилиқ сөһбәт йиғинида сөз қилди.
кишилик һоқуқ кеңишиниң 7- айда қуран кәримгә қилинған һуҗумлар һәққидә мәхсус җиддий йиғин чақирғанлиқини әскәрткән комиссар волкәр түрк, шуниңдин кейин, бәзи дөләтләрдә қуран кәримни аммиға очуқ җайларда көйдүрүш қилмишлириниң давамлашқанлиқини қәйт қилди.
б д т кишилик һоқуқ алий комиссари түрк: «мән қуран кәримгә қилинған һөрмәтсизлик қилиш, уни көйдүрүш қилмишлирини, болупму зораванлиқ вә бөлүнүшкә елип баридиған қутратқулуқ қилмишлирини қәтий рәт қилимән» дегәнләрни сөзлиригә илавә қилди.