amérika: erméniye ighwagerchilikini tekshürüwatimiz
amérika qoshma ishtatliri tashqi ishlar ministirliqi los anzhélésta ötküzülgen «türkiye» toghrisidiki yighingha qarita erméniye ighwagerchilikini tekshürüwatqanliqlirini uqturdi.
türkiye awazi radiyosi xewiri: tünügün los anzhéléstiki yunus emre institutining riyasetchilikide ötküzülgen «ammiwi diplomatiyening türkiyening tashqi siyasitidiki roli» témisidiki yighin erméniye guruppisining hujumigha uchridi.
türkiye radiyo - téléwiziye idarisining «TRT Haber» xewer qanili amérika qoshma ishtatliri tashqi ishlar ministirliqidin, - ilgiri shéhiit bolup ketken türkiyelik diplomatlarni xatiriletken halda - bu weqege qandaq baha qaraydighanliqlirini soridi.
«TRT Haber» xewer qaniligha ewetilgen yazma jawabta, amérika qoshma ishtatliri tashqi ishlar ministirliqining los anzhélés saqchi idarisi bilen hemkarliship bu mesilini tekshürüwatqanliqi eskertilip mundaq déyildi: «jenubiy kaliforniye uniwérsititining sahibxanliqida chaqirilghan yighinda türkiye bash elchisinimu öz ichige alghan kishilerning hujumgha uchrighanliqigha dair doklatlardin xewerdarmiz. diplomatlarning we diplomatiyeni yolgha qoyghuchilarning bixeterlikini qoghdash üchün bergen wedimiz boyiche ish köridighanliqimizni yene bir qétim tekrarlaymiz we bu heqte barliq zörür tedbirlerni qollinimiz.»
tünügün los anzhélésta ötküzülgen «ammiwi diplomatiyening türkiyening tashqi siyasitidiki roli» témisidiki yighin erméniye guruppisining hujumigha uchrighanidi.
türkiye, ezerbeyjan we amérika dairiliri qatnashqan bu yighin deslepte bir erméniye ighwagerchisi teripidin üzülüp qalghanidi.
türkiye we ezerbeyjan dairilirini haqaretligen bu ighwager yighin zalidin chiqiriwétilgenidi.
türkiyening washingtonda turushluq bash elchisi murat merjan reis sehnisige chiqqan waqitta bir guruppa ighwagerchilik qilishqa bashlighanidi.
bir erméniye ighwagerchisi ezerbeyjanning los anzhélés bash konsuli ramil qurbanowgha aghzaki hujum qilishqa bashlighanidi.
bu guruppa bixeterlik xadimliri teripidin yighin zalidin chiqiriwétilgenidi.
shuning bilen, bu guruppa bu qétim yighin zalining sirtida shawqun - süren sélip, yighin zalidiki nutuq sözligüchilerge tosalghu bolushqa urunghanidi.
ighwagerchilik hujumi yighin axirlashqandin kéyinmu dawamlashqanidi.
yunus emre institutining reisi sheref atesh, türkiyening los anzhélés konsulxanisi diniy mulazimet ishliri meslihetchisi ismail demirezen bilen axbarat ishliri mesuli saner ayar sirttiki namayishchilarning jismaniy we aghzaki hujumigha uchrighanidi.
