әл чапониң оғли америкаға тапшуруп берилди

түркийә авази радийоси хәвири: америка қошма иштатлири әдлийә министирлиқиниң байанатиға қариғанда, мексикалиқ зәһәрлик чекимлик әткәсчилики ​​хоҗайини әл чапониң оғли гузман мексика даирилири тәрипидин америкаға тапшуруп берилгән.

байанатта тәкитлинишичә, гузман синалоа горуһиға рәһбәрлик қилиш вә пул йуйуш җинайити билән әйибләнмәктә икән.

вашингитонниң қаришичә, дунйадики әң күчлүк зәһәрлик чекимлик әткәсчилики гуруһлиридин бири болған синалоа америка қошма иштатлиридики фантанил әткәсчиликиниң баш җавабкари икән.

америка қошма иштатлири 2021-йили 12-айдин буйан гузманни қолға чүшүрүш үчүн униң һәққидә учур бәргәнләргә 5 милйон доллар мукапат берилидиғанлиқини уқтурған вә бу җәһәттә мексикаға бесим ишләткәниди.

америка қошма иштатлиридики әң көп тутуш буйруқи чиқирилған зәһәрлик чекимлик ​​әткәсчилиридин бири болған синалоа шайкисиниң асаслиқ рәһбәрлиридин 28 йашлиқ овидийо гузман 5-йанвар күни мексиканиң шималидики кулийакан шәһиридә елип берилған ахтуруп тутуш һәрикити давамида қолға елинғаниди.