данийәдә йәнә қуран кәрим көйдүрүлди
данийәниң пайтәхти копенһагенда бир қанчә дөләтниң әлчиханилири алдида қуран кәримни көйдүрүш вәқәлири йүз бәрди.
түркийә авази радийоси хәвири: ислам дүшмини вә ирқчи «данийәлик вәтәнпәрвәрләр» исимлик гуруппиниң бир әзаси түркийә, пакистан, алҗирийә, һиндонезийә вә иранниң копенһаген әлчиханилири алдида қуран кәримни көйдүрди.
у сақчиларниң һәмраһлиқида исламға қарши шоарларни товлап, қутратқулуқ қилди.
аммиви ортақлишиш тор бети Facebook «данийәлик вәтәнпәрвәрләр» гурупписи тарқатқан бәзи видеоларға чәклимә қойғаниди.
бу гуруппа йеқинқи икки һәптә ичидә, 4-авғуст (2023) түркийә, ирақ, мисир, сәуди әрәбистан вә иранниң копенһаген әлчиханилириниң алдида, 7-авғуст күни түркийә, пакистан, алҗирийә, һиндонезийә вә иран қатарлиқ әлләрниң әлчиханилири алдида қуран кәримни көйдүргәниди.
копенһагенниң сиртидиму иғвагәрчиликлирини давамлаштурған бу гуруппа, бир қисим мусулманларниң наразилиқиға дуч кәлгәниди.
қутратқулуқлар 8-авғуст күни түркийә, алҗирийә, пакистан, һиндонезийә вә иранниң копенһаген әлчиханилири алдида давамлашқаниди.
йеқинқи мәзгилдә шиветсийә вә данийәдә қуран кәримгә қаритилған һуҗумларниң көпийип кетиши, бу һуҗумларниң сақчиларниң қоғдиши астида, шундақла мунасивәтлик даириләрниң рухсити билән елип берилиши түркийә қатарлиқ нурғун дөләтләрниң наразилиқини қозғиғаниди.
