блинкен: қара деңиз ашлиқ келишимини «пурсәтпәрәстлик» қорали қилип ишләтти
америка түркийә армийәси антони блинкен русийәниң қара деңиз ашлиқ келишимини «пурсәтпәрәстлик» қорали қилип ишләткәнликини илгири сүрди.
түркийә авази радийоси хәвири: америка ташқи ишлар министири антони блинкен бирләшкән дөләтләр тәшкилати (б д т) хәвпсизлик кеңишиниң өзи рийасәтчилик қилған «ачарчилиқ вә тоқунуш кәлтүрүп чиқарған йәр шари йемәклик әнсизлики» темилиқ йиғиндин кейин, мухбирларниң соаллириға җаваб берип: «йемәкликниң уруш қорали сүпитидә ишлитилишигә хатимә беришкә вәдә бәргән 91 дөләт бирләшмә байанат елан қилди. бу өз алдиғила күчлүк бир ибарә, биз башқиларниму буниңға қатнишишқа тәклип қилимиз» деди.
русийәниң украина билән болған урушта қара деңиз ашлиқ келишимидин «пурсәтпәрәстлик» қорали сүпитидә пайдиланғанлиқини вә москваниң буниңдин ваз кечиши керәкликини оттуриға қойған блинкен, қара деңиз ашлиқиниң украина үчүнла әмәс, бәлки еғир ачарчилиқ хәвпигә дуч кәлгән дунйадики һәрқайси дөләтләрниң ашлиқ еһтийаҗи үчүнму муһим икәнликини тәкитлиди.
у русийәниң «келишимни бузупла қалмастин, бәлки украинадики ашлиқ амбарлириға қәстән һуҗум қилип» йемәклик ишләпчиқиришиғиму тосқунлуқ қилғанлиқини илгири сүрди вә сөзини давамлаштуруп: «биз башқа линийәләрни әң йуқири чәккә йәткүзсәкму, украинаниң қара деңиз ашлиқ келишими сайисида ишқа ашурған миқдарға йетиш толиму мүшкүл» дегәнләрни қәйт қилди.
русийәниң келишимгә қайтип келишиниң «өзи билидиған иш» икәнликини билдүргән билинкен, б д т баш катибатлиқи билән түркийәниң қара деңиз ашлиқ келишимигә көрсәткән тиришчанлиқиға рәһмәт ейтти.
2022- йили 22 - ийун башланған русийә- украина урушиниң дунйа ашлиқ баһасиға көрситидиған тәсирини азайтиш үчүн, бирләшкән дөләтләр тәшкилати (б д т), русийә, түркийә вә украина 2022 – йили 22 – ийул истанбулда сөһбәт өткүзүп, қара деңиз ашлиқ каридори келишимигә имза қойғаниди.
русийә пирезидентлиқ мәһкимиси — киремил байанатчиси димирий песков муддити тошқан келишим тоғрисида 17 - ийул байанат елан қилип: «ашлиқ каридори келишими рәсмий ахирлашти, тохтитилди. русийә мунасивәтлик шәртләр орундалған һаман дәрһал ашлиқ келишимигә қайтип келиду. келишимниң русийәгә мунасивәтлик қисми орундалмиди» дегәниди.
