биразилийә сақчилири зәһәрлик чекимлик әткәслиригә кәң көләмлик зәбә бериш һәрикити елип барди
биразилийә сақчилириниң дөләтниң риоде жанейро шәһири, сав павло вә бахиа өлкилиридә зәһәрлик чекимлик шайкилириға қарши елип барған зәрбә бериш һәрикитидә 43 адәм қаза қилди.
түркийә авази радийоси хәвири: биразилийә сақчилири риоде жанейро шәһиридә елип берилған зәһәрлик чекимлик шайкилириға зәрбә бериш һәрикити җәрйанида тоқунуш йүз берип, 10 кишиниң қаза қилғанлиқини, уларниң арисида зәһәрлик чекимлик әткәсчилик гуруһиниң бир рәһбириниңму барлиқини уқтурди.
сав павло өлкисидики уда бәш күн давамлашқан қалқан зәрбә бериш һәрикити җәрйанида сақчиларни өз ичигә алған 14 кишиниң қаза қилғанлиқи, дөләтниң шәрқий шималидики бахиа өлкисидә болса, 19 гумандарниң бир тәрәп қилинғанлиқи билдүрүлди.
сав павло деңиз қирғиқидики гуаруҗа базирида бир алаһидә қисим сақчиси өлтүрүлгәндин кейин башланған «қалқан зәрбә бериш һәрикити» җәрйанида сақчиларниң 58 адәмни назарәт астиға елип, 385 килогирам зәһәрлик чекимликни қолға чүшүргәнлики қәйт қилинди.
биразилийә әдлийә министири флавийо дино гуаруҗадики зәрбә бериш һәрикитини тәнқид қилип, сақчиларниң инкасиниң садир қилинған җинайәткә мас болмиғанлиқини ейтқаниди.
