нато дөләтлири: түркийәниң ашлиқ келишимини әслигә кәлтүрүш тиришчанлиқини қоллаймиз
шималий атлантик әһди тәшкилати — натоға дөләтләр түркийә вә башқа иттипақдашлириниң қара деңиз ашлиқ келишимни әслигә кәлтүрүш йолидики тиришчанлиқини қарши алидиғанлиқини билдүрди.
түркийә авази радийоси хәвири: нато - украина кеңиши йиғин чақирип, русийә түркийә билән бирләшкән дөләтләр тәшкилати (б д т)ниң мурәссәләштүрүши нәтиҗисидә һасил қилинған қара деңиз ашлиқ келишимидин чекинип чиққандин кейин, районда пәйда болған «еғир бихәтәрлик вәзийити»ни музакирә қилди.
нато — украина кеңиши 11-, 12 – ийул күнлири ечилған литванийә пайтәхти вилнйустики башлиқлар йиғини җәрйанида қурулғандин буйанқи иккинчи йиғинини түнүгүн белгйәниң пайтәхти бирйусселдики нато баш иштабида баш әлчиләр дәриҗисидә ачти.
нато йиғиндин кейин байанат елан қилип, русийәниң келишимдин чекиниш қарари вә украинаниң ашлиқ експортини тохтитишқа урунуши, украинадики порт шәһәрлири вә ашлиқ амбарлириға қилинған һуҗумларниң иттипақдашлар вә украина тәрипидин әйибләнгәнликини билдүрди.
байанатта баш катип йенс столтенбергниң: «қара деңиздики хәтәрлик вә җиддийчиликни улғайтқучи һәрикәтләрниң барлиқ җавабкарлиқи русийәдә. русийә ачлиқни қорал қилип ишлитишни вә дунйадики әң аҗиз кишиләргә йемәклик муқимсизлиқи билән тәһдит селишни тохтитиши керәк. русийәниң қилмишлири, охшаш вақитта, натоға нисбәтән истратегийәлик әһмийәткә игә қара деңиз райониниң муқимлиқиға еғир тәһдит елип кәлмәктә. иттипақдашлар украинаға болған қоллаш вә һошйарлиқни күчәйтмәктә. биз иттипақ территорийәсиниң һәр бир сантиметирини һәр қандақ һуҗумдин қоғдашқа тәййармиз» дегән ибарилиригә орун берилди.
байанатта йәнә: «иттипақдаш дөләтләр түркийәниң ашлиқ келишимини әслигә кәлтүрүш йолидики тиришчанлиқини, шундақла булғарийә вә роминийә қатарлиқ башқа иттипақдашлириниң, йавропа иттипақи вә б д т ниң украина ашлиқини қуруқлуқ вә деңиз арқилиқ експорт қилиш тиришчанлиқини қарши алиду» дейилди.
нато вә униң иттипақдашлириниң деңиз чарлаш айропиланлири вә учқучисиз һава аппаратлири арқилиқ қара деңиздики разведка қилиш вә көзитиш паалийәтлирини күчәйткәнликигә ишарәт қилинған байанатта, русийә украинаға һуҗум қилғандин кейин, натониң райондики мәвҗутлуқини күчәйткәнлики қәйт қилинди.
