нато русийәниң ашлиқ келишимидин чекинип чиқишини әйиблиди
шималий атлантик әһди тәшкилати — нато баш катипи йенс столтенберг русийәниң түркийә вә бирләшкән дөләтләр тәшкилати (б д т)ниң тиришчанлиқлириға қаримай, ашлиқ келишимидин чекинишини әйиблигәнликини уқтурди.
түркийә авази радийоси хәвири: баш катип йенс столтенберг иҗтимаий таратқудики адресида бу һәқтә байанат елан қилип: «мән иттипақдишимиз түркийә вә б д т ниң тиришчанлиқиға қаримай, русийәниң қара деңиз ашлиқ келишимидин бир тәрәплимә һалда чекиниш қарарини әйибләймән» деди.
у сөзини давамлаштуруп, русийәниң украинадики қанунсиз урушиниң дунйа миқйасида милйонлиған кишиләргә зийан йәткүзүшни давамлаштуруватқанлиқи»ни билдүрди.
русийәниң украинаға қилған һуҗуминиң йәр шари йемәклик баһасиға көрсәткән тәсирини азайтиш үчүн, б д т, русийә, түркийә вә украина 2022- йили 7- айниң 22- күни истанбулда сөһбәт өткүзүп, қара деңиз ашлиқ каридори келишимини имзалиғаниди.
русийә пирезидентлиқ мәһкимиси — кремил байанатчиси димирий песков, түнүгүн муддити тошқан қара деңиз ашлиқ каридори келишиминиң тохтитилғанлиқини, алақидар шәртләр орундалғинида, русийәниң келишимгә қайтип келидиғанлиқини елан қилғаниди.
русийә ташқи ишлар министирлиқиму ғәрб дөләтлири русийәниң йемәклик вә оғутиға қойған ембаргосини әмәлдин қалдурса, москваниң келишимгә қайтип келидиғанлиқини җакарлиғаниди.
