хитай ширкәтлири америкада зәһәрлик чекимлик әткәсчилики билән шуғулланди
америкада хитайниң химийәлик ширкәтлири тунҗи қетим фантанил әткәсчилики билән әйибләнди.
түркийә авази радйоси хәвири: америка әдлийә министирлиқиниң байанатида, мәркизи хитайда турушлуқ 4 химийәлик ширкәт вә хитай пуқраси 8 киши үстидин җинайи ишлар әрзи сунулғанлиқи билдүрүлди.
байанатта, мәзкур кишиләр вә ширкәтләргә қаритилған әйибләшләрниң зәһәрлик чекимликкә қарши күрәш тармақлири елип барған тәкшүрүш җәрйанида 200 килогирамдин артуқ фентанил йасашқа ишлитилидиған химийилик маддилар қолға чүшүрүлгәндин кейин оттуриға қойулғанлиқи билдүрүлди.
байанатта мусадирә қилинған 200 килогирам химийәлик маддиниң тәхминән 25 милйон америкилиқни өлтүрүшкә йетидиғанлиқи тәкитләнди.
әдлийә министири меррик гарландниң дөләттә фантанил әткәсчиликини ахирлаштуруш үчүн ишләпчиқириштин сетишқичә болған һәр бир басқучни көзитип келиватқанлиқини ейтти.
гарланд буниң үчүн мексика шайкилириғила әмәс, бәлки өз нөвитидә йәнә бу шайкиларни фантанил ишләпчиқиришқа керәклик материйаллар билән тәминләватқан мәркизи ишханиси хитайда турушлуқ химийәлик ширкәтләрниму из қоғлап көзитиватқанлиқини билдүрди.
гарланд америкада тунҗи қетим хитай ширкәтлириниң фантанил әткәсчилики билән әйибләнгәнликини ейтти.
нйуйорк җәнубий сот мәһкимисиниң мупәттиши дамиан виллийамисму әйибләнгән ширкәтләрдә ишләйдиған бир иҗраийә әмәлдари вә сетиш дерикториниң қолға елинғанлиқини билдүрди.
америка кесәлликләрниң алдини елиш вә контрол қилиш мәркизиниң доклатиға асасланғанда, америкада һәр күни 150 дин артуқ киши фентанил қатарлиқ бирикмә зәһәрлик чекимликлири сәвәбидин қаза қилидикән.
бирикмә ағриқ пәсәйтиш дориси сүпитидә ишлитилидиған вә морфиндин 100 һәссә күчлүк болған фантанил әгәр 2 миллиграм истемал қилинса, әҗәллик ақивәтләр келип чиқидиғанлиқи билдүрүлмәктә.
