baydin shi jinpingning «mustebit» ikenlikige ima qildi

türkiye awazi radiyosi xewiri: baydin kaliforniyede ötküzülgen bir paaliyetning ziyapet zalida söz qilip, shi jinpingning 2- ayda amérika hawa tewelikige kirgen xitay «jasus shari»ning chüshürüwétilishige qayturghan inkasining «sharning u yerde ikenlikini bilmeydighanliqi»ni arqa körünüsh qilidighanliqini otturigha qoydi we sözini dawamlashturup: «men estayidil (dewatimen), néme bolghanliqini bilmeslik mustebitler üchün éghir nomus qilarliq ish hésablinidu» dédi.

shining shar amérika hawa boshluqida étip chüshürülgende «nomus qilghanliqi»ni we «sharning u yerde ikenlikidinmu bixewer ikenliki»ni tilgha alghan baydin:  «eng muhim nuqta, nöwette qaytidin munasiwet ornitishni xalaydighan ehwalda bolushi» dégenlerni qeyt qildi.

baydin tashqi ishlar ministiri antoniy blinkénning xitay ziyaritini «yaxshi» élip barghanliqini, shundaqtimu munasiwetlerning yaxshilinishigha waqit kétidighanliqini éytti.

amérika pirézidénti jo baydin yene, xitayning éghir iqtisadiy mesililirining barliqini tilgha élip: «xitay üchün endishe qilinglar, emma xitay heqqide endishe qilmanglar» dédi.

xitay dölet reisi shi jinpingning amérika, awstraliye, hindistan we yaponiye otturisidiki töt dölet ittipaqidinmu biaram ikenlikini bildürgen baydin, shining özige téléfon qilip, buni qilmasliqini telep qilghanliqini sözlirige ilawe qildi.