фреддй қара боринида қаза қилған малавилиқлар сани миңға йәтти
малавида африқаниң шәрқий җәнуби деңиз қирғақлириға тәсир көрсәткән «фредди» қара борини сәвәбидин қаза қилғанлар сани 1000 ға йәтти.
түркийә авази радийоси хәвири: малави пирезиденти лазарус чаквера боран кәлтүрүп чиқарған вәйранчилиқ вә қаза қилғанлар һәққидә мәлумат бәрди؛ боран сәвәбидин қаза қилғанлар саниниң 1000 ға йәткәнликини, йерим милйондин артуқ кишиниң өй - маканлиридин айрилишқа мәҗбур болуп қалғанлиқини билдүргән чаквера: «килимат өзгириши кәлтүрүп чиқарған апәттә өйләр, көврүкләр, мәктәпләр вә карханилар вәйран болди. йоллар, електир линийәлири вә терилғу йәрлири зийанға учриди» деди.
чаквера малавида тамака базириниң ечилиш пәйтиниң йетип кәлгәнликини, әмма боран - чапқун сәвәбидин иқтисадий паалийәтләрниңму тохтап кәткәнликини тәкитлиди.
мозамбик билән мадағасқарму боранниң тәсиригә учриди؛ мозамбикта тәхминән 70 адәм қаза қилди.
дунйа метеорологийә тәшкилати 2- айда башлинип бир айдин көпрәк давамлашқан фредди қара борининиң, тарихтики әң узун давамлашқан боран - чапқун болуши мумкинликини елан қилди.
