chilida oqughuchilar bixeterlik qanunigha qarshi namayish ötküzdi

türkiye awazi radyosi xewiri: chili dölet taratqulirining xewer qilishiche, paytext santiyagoning merkizige yürüsh qilghan oqughuchilar guruppiliri «saqchilarning qoral ishlitish hoquqini kéngeytidighan» bixeterlik qanunigha naraziliq bildürgen.

bixeterlik qanunining bikar qilinishini telep qilghan oqughuchilar bilen saqchilar otturisida toqunush yüz bérip, oqughuchilar chong yollarni qatnashtin tosup qoyghan.

saqchilar tash we molotof koktéyil atqan namayishchilarni yash aqquzush bombisi we yuqiri bésimliq su bilen tarqitiwétishke urunghan.

namayish jeryanida, bir mektepke ot qoyup bérilgenliki we nurghun oqughuchilarning qolgha élinghanliqi bildürüldi.

chilida talash-tartishlargha seweb bolghan bixeterlik qanunidiki «imtiyazliq özini qoghdash» maddisigha, oqughuchilarning qetiy qarshi turidighanliqi bildürülmekte.

dölet parlaménti testiqlighan bixeterlik qanuni, bir ay ichide üch saqchining qoralliq hujum bilen öltürülüshidin kéyin, hökümet teripidin parlaméntqa sunulghan idi.

oqughuchilar chilidiki maarip sharaitigha pat-pat naraziliq bildürüp kelmekte we bixeterlik qisimliri bilen pat-pat qattiq toqunushup qilish hadisilirimu yüz bermekte.