amérika fédératsiye tekshürüsh idarisi ruslarni amérikani istixbarat bilen teminleshke chaqirdi

türkiye awazi radiyosi xewiri: «fokus xewerler» qanilining bir xewiride, amérika fédératsiye tekshürüsh idarisining ukrainadiki ayighi chiqmas urush dawam qiliwatqan bir peytte, rusiyege munasiwetlik istixbarat xizmitining süritini tézlitish üchün, ijtimaiy taratqulargha yüzlengenliki tekitlendi.

buninggha asasen, ijtimaiy alaqe tori féysbuk we twittérda élan qilinghan bir sin körünüshide, washington we rusiye elchixanisining resimlerge orun bérildi. kishilerge amérikani dölet bixeterlik uchurliri bilen teminligen teqdirde, kelgüsini özgertish pursitidin behrimen bolidighanliqi qeyt qilindi.

sin körünüshide, amérika fédératsiye tekshürüsh idarisining jasusluqqa qarshi turush bölümi xadimi alan koxlérning: «fédératsiye tekshürüsh idarisi sizni qedirleydu, fédératsiye tekshürüsh idarisi sizge yardem béreleydu, emma birinchi qedemni bésish hoquqi peqet sizninglar qolingizda» dégen sözlirigimu orun bérildi.

amérika merkiziy istixbarat idarisi (CIA) ning sabiq moskwa ishxanisi bashliqi dan xofman mezkur ijtimaiy taratqu uchurlirining «éniq» we «aqilane» ikenlikini, buning «amérika fédératsiye tekshürüsh idarisi we amérikaning rusiye tajawuzchiliqigha qarshi turushigha yardem bérish éhtimali barliqi»ni éytti.