amérika resmiy xet – alaqe ishlirida «türkiye» ibarisini ishlitidu
amérika qoshma ishtatliri tashqi ishlar ministirliqi buningdin kéyin resmiy xet – alaqe ishlirida «Turkey» ning ornigha «türkiye» ibarisini ishlitidighanliqlirini bildürdi.
türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi néd prays, türkiyening washingtonda turushluq elchixanisining teklipige binaen, resmiy xet – alaqe ishlirida «Turkey» ning ornigha «türkiye» ibarisini ishlitidighanliqlirini éytti.
türkiye bilen amérika qoshma ishtatlirining térrorluq teshkilati daéshning maliye menbelirige birlikte zerbe bérish yolida ortaq qedem tashlanghanliqi heqqide, amérika qoshma ishtatliri tashqi ishlar ministirliqi teripidin élan qilinghan yazma bayanattimu «türkiye» ibarisi ishlitildi.
néd prays, muxbirlarni kütüwélish yighinida, bir muxbirning, buning qanchandin bashlap yolgha qoyulghanliqigha munasiwetlik soaligha jawab bergende, tashqi ishlar ministirliqining, türkiyening teklipige binaen, tünügün etigendin bashlap yolgha qoyghanliqini bildürüp mundaq dédi: «türkiye elchixanisining resmiy xet – alaqe ishlirida <Turkey> ning ornigha <türkiye> ibarisini ishlitish telipining testiqlanghanliqining rast ikenlikini bildürimen. bu özgirish herdaimqigha oxshashla amérika jughrapiyelik isimlar komitéti teripidinmu testiqlandi.»
amérika qoshma ishtatliri tashqi ishlar ministirliqining, barliq orunlarda isimlarni ishlitish mesiliside bir basuchni yolgha qoyidighanliqini eskertken prays, jughrapiyelik isimlar komitétining, «Turkey» we «< Republic of Turkey> türkiye jumhuriyiti» isimlirinimu ishlitip, amérika xelqining chüshinishige qolayliq yaritip béridighanliqini qeyt qildi.
birleshken döletler teshkilati, enqerening teklipige binaen, 2022 – yili 1 – iyun küni, «Turkey» ning ornigha «türkiye» ibarisining ishlitilishini testiqlighanidi.
buningdin burunmu, türkiyede ishlepchiqirilghan éksport mehsulatlirida « Made in Turkey» ning ornigha «Made in Türkiye » ibarisini ishlitish we dunyagha tonushturush xizmiti bashlanghanidi.
aldinqi yili yanwar éyida, jumhur reislik mehkimisi uchur - alaqe ishliri idarisimu « Hello Türkiye » seperwerlik paaliyiti arqiliq türkiyening ismini xelqarada «türkiye» dep teshwiq qilishqa bashlighanidi.
