شىۋېتسىيە تاشقى ئىشلار مىنىستىرى تۈركىيەدە
شىۋېتسىيە تاشقى ئىشلار مىنىستىرى توبىياس بىلستروم دۆلەت ئىشلىرى زىيارىتىدە بولۇش ئۈچۈن تۈركىيەگە كەلدى.
![شىۋېتسىيە تاشقى ئىشلار مىنىستىرى تۈركىيەدە](http://cdn.trt.net.tr/images/xlarge/rectangle/8161/7b63/d3d5/63a410680ecde.jpg?time=1718531108)
تۈركىيە ئاۋازى رادىيوسى خەۋىرى: دىپلوماتىيە مىنىستىرى مەۋلۈت چاۋۇشئوغلۇ پايتەخت ئەنقەرەدە شىۋېتسىيە تاشقى ئىشلار مىنىستىرى توبىياس بىلستروم بىلەن بىر يەرگە جەم بولىدۇ.
ئۇچرىشىشتا، ئىككى دۆلەت مۇناسىۋەتلىرى، 2023 – يىلى يانۋاردا شىۋېتسىيە ئۆتكۈزۈۋالىدىغان ياۋروپا ئىتتىپاقىنىڭ نۆۋەتچى رەئىسلىك ۋەزىپىسى دائىرىسىدە تۈركىيە – ياۋروپا ئىتتىپاقى مۇناسىۋەتلىرى، ھەمدە شىۋېتسىيەنىڭ شىمالىي ئاتلانتىك ئەھدى تەشكىلاتىغا ئەزا بولۇش باسقۇچى ھەققىدە مۇزاكىرە ئېلىپ بېرىلىدۇ.
ئۇچرىشىشتىن كېيىن، ئىككى مىنىستىر، قوشما ئاخبارات ئېلان قىلىش يىغىنى ئۆتكۈزىدۇ.
تۈركىيە، 28-ئىيۇن ئىسپانىيەنىڭ پايتەختى مادرىد شەھىرىدە چاقىرىلغان شىمالىي ئاتلانتىك ئەھدى تەشكىلاتى باشلىقلار يىغىنىدا ئەزا بولۇشنى ئىلتىماس قىلغان فىنلاندىيە ۋە شىۋېتسىيەنى ۋېتو قىلماقتا. تېررورلۇق تەشكىلاتلىرىنى ئوچۇق - ئاشكارا قوللاۋاتقان بۇ ئىككى دۆلەت بىلەن بىر كېلىشىم لايىھەسى ئىمزالىغان ئەنقەرە، بېرىلگەن ۋەدىلەرنىڭ ئەمەلگە ئېشىشىنى كۈتمەكتە.