бирмадики бир йеза йолидин 13 нәпәр роһинга мусулманлириниң җәсити тепилди
әркин роһинга бирләшмисиниң мудири най сан лвин байанатида, йаңгон шәһиридики хлегу йезисиниң табиншвехити йолидин 13 нәпәр роһинга мусулманлириниң җәсити тепилғанлиқини ейтти.
түркийә авази радийоси хәвири: лвин җәсәтләрниң дохтурханиға елип берилғанлиқини, кишилик һоқуқ паалийәтчилириниң дохтурханини зийарәт қилғанлиқини, җәсәтләрниң йүзи вә бәдинидә йара излири барлиқини ейтти.
лвин: «28 – нойабирда һәрбий һакимийәт тәрәп, 54 әр вә 14 айални қошқанда җәмий 68 роһинга мусулманлирини қолға алған иди. мениңчә 18 йаштин төвән бу 13 қурбанму шу гуруппидин болуши мумкин» деди.
йәрлик таратқуларниң хәвиригә асасланғанда, райондин қечишни халиған роһинга мусулманлири машина билән йөткиливатқанда оксиген йетишмәслики сәвәбидин җенидин айрилған.
бирманиң аракан өлкисидә 2012 - йили буддистлар билән мусулманлар оттурисида тоқунуш йүз берип, көпинчиси мусулманлардин тәркип тапқан миңлиған киши өлтүрүлгән шундақла йүзлигән өй вә ширкәт биналириға от қойуп берилгән иди.
