ئۇكرائىنا قىسىملىرى خېرسون رايونىدا 5 ئولتۇراق رايوننى رۇسىيە قىسىملىرىدىن قايتۇرۇپ ئالدى
ئۇكرائىنانىڭ دونېتسىك رايونىدا رۇسىيە ئارمىيەسىنىڭ ھۇجۇمىدا 6 پۇقرا ھاياتىدىن ئايرىلدى.
![ئۇكرائىنا قىسىملىرى خېرسون رايونىدا 5 ئولتۇراق رايوننى رۇسىيە قىسىملىرىدىن قايتۇرۇپ ئالدى](http://cdn.trt.net.tr/images/xlarge/rectangle/aaec/bc10/2aec/63467dd07e662.jpg?time=1718871470)
تۈركىيە ئاۋازى رادىيوسى خەۋىرى: دونېتسىك ۋالىيسى پاۋىل كىرىلېنكو ئىجتىمائىي ئالاقە تورىدا ئېلان قىلغان باياناتىدا، رۇسىيە قىسىملىرىنىڭ يېقىنقى 24 سائەت ئىچىدە دونېتسىك رايونىغا قىلغان ھۇجۇملىرىدا 6 پۇقرانىڭ قازا قىلغانلىقىنى ۋە 1 پۇقرانىڭ يارىلانغانلىقىنى بىلدۈردى.
ئۇكرائىنا ئارمىيەسىنىڭ جەنۇبىي قوماندانلىق ئىشتابىنىڭ باياناتىدا، خېرسون رايونىدىكى 5 ئولتۇراق رايوننىڭ رۇسىيە قىسىملىرىدىن قايتۇرۇپ ئېلىنغانلىقى ئۇقتۇرۇلدى.
بۇنىڭدىن باشقا يەنە، رۇسىيە قىسىملىرى تەرىپىدىن مىكولايۋ رايونىغا يوللانغان 9 كامىكازې ئۇچقۇچىسىز ئايروپىلاننىڭ ئۇكرائىنا ئارمىيەسىگە تەۋە ھاۋا مۇداپىئە سىستېمىسى تەرىپىدىن پاچاقلاپ تاشلانغانلىقى بىلدۈرۈلدى.
ئۇكرائىنا ئارمىيەسى 29 - ئاۋغۇستتا خېرسون رايونى قاتارلىق دۆلەتنىڭ جەنۇبىي رايونلىرىدا، رۇسىيە ئەسكەرلىرىگە قارشى ھۇجۇم باشلىغان ئىدى.