пакистан баш министири: түркийә – пакистан мунасивәтлири мислисиз алаһидиликләргә игә
пакистан баш министири шаһбаз шериф түркийә – пакистан оттурисидики қериндашлиқ мунасивәтлириниң өзара ишәнч, чүшиниш вә бир – бириниң давалирини қоллаш җәһәттин мислисиз алаһидиликләргә игә икәнликини ейтти.
түркийә авази радийоси хәвири: «пакистан радийоси» ниң хәвәр қилишичә, пакистан баш министири шаһбаз шериф, түркийәниң исламабад баш әлчиси мәһмәт пачаҗини пайтәхт исламабадқа җайлашқан баш министирлиқ бинасидики ишханисида қобул қилғанда бәргән байанатида, түркийә – пакистан оттурисидики қериндашлиқ мунасивәтлириниң өзара ишәнч, чүшиниш вә бир – бириниң давалирини қоллаш җәһәттин мислисиз алаһидиликләргә игә икәнликини әскәртиш билән бир вақитта, әнқәрәниң, җамму кәшмир мәсилисидә исламабадни изчил қоллап келиватқанлиқидин интайин хурсән икәнликлирини тәкитлигән.
пакистанниң түркийәниң түп мәнпәәтлиригә наһайити зор әһмийәт беридиғанлиқини қайта-қайта оттуриға қойған шаһбаз шериф, сентәбирдә исламабадта өткүзүлидиған 7 – нөвәтлик «түркийә-пакистан истиратегийәлик алий һәмкарлиқ кеңиши» йиғинида, түркийә җумһурийити җумһур рәиси рәҗәп таййип әрдоғанни күтүвелишни төт көз билән күтүватқанлиқлирини қәйт қилған.
