йәһудий көчмәнләр 2 пәләстинликни йариландуруп, аптомобилиға от қойуп бәрди

түркийә авази радийоси хәвири: рамаллаһниң әл муғайир йезиси йәрлик кеңиши рәиси имин әбу улйа онлиған йәһудий көчмәнниң рамаллаһниң шималидики турмусайа йезисида 5 пәләстинлик таш оймичилиқ устисиға  һуҗум қилғанлиқини билдүрди.

әбу улйа йәһудий көчмәнләрниң һуҗумида пәләстинлик халид зикниң йариланғанлиқини тилға елип, көчмәнләрниң йәнә пәләстинликләргә тәвә 2 аптомобилға от қойуп бәргәнликини вә көйгән аптомобилниң игисиниң йариланғанлиқини ейтти.

йәһудий көчмәнләр от қойуп бәргән аптомобилниң игиси пәләстинлик муһәммәд ариф, турмусайа йезисиниң йенидики шило олтурақ районидин кәлгән йәһудий көчмәнләрниң пәләстин һөкүмитиниң контроллуқидики районда униңға вә достлириға һуҗум қилғанлиқини билдүрди.

муһәммәд ариф тәхминән 60 йәһудий көчмәнниң һуҗумиға учриғанлиқини әскәртип, йәһудий көчмәнләрдин бирсиниң қурулуш машинисиға чиқип дәсләптә қурулуш машинисиға зийан салғанлиқини, андин от қойуп бәргәнликини  билдүрди.