ۋون دېر لېيېن تېل ئاۋىۋدا يائىر لاپىد بىلەن كۆرۈشتى

تۈركىيە ئاۋازى رادىيوسى خەۋىرى: ئۆزىنىڭ تىۋىتتېر ئادرېسىدا ۋون دېر لېيېننى كۈتۈۋالغانلىقىدىن خۇشاللىق ھېس قىلغانلىقىنى بىلدۈرۈپ ئۇچۇر ھەمبەھرىلىگەن يائىر لاپىد: «ئۆتكەن يىلى بىز ياۋروپا ئىتتىپاقى بىلەن بولغان مۇناسىۋىتىمىزنى ئەسلىگە كەلتۈردۇق. بۇ مۇناسىۋەتلەر ئىسرائىلىيە دۆلىتىگە نىسبەتەن ئىستراتېگىيەلىك پايدا ھېسابلىنىدۇ، ئۇنى كۈچەيتىش ئۈچۈن تىرىشچانلىق كۆرسىتىشنى داۋاملاشتۇرىمىز» دېگەنلەرنى قەيت قىلدى.

ۋون دېر لېيېنمۇ تۋىتتېردىكى ئادرېسىدا بايانات ئېلان قىلىپ: «رۇسىيەنىڭ ئۇكرائىناغا قىلغان ھۇجۇمىنىڭ يېمەكلىك بىخەتەرلىكى ۋە ئېنېرگىيە بىلەن تەمىنلەشكە كۆرسەتكەن تەسىرى قاتارلىق مەسىلىلەر توغرىسىدا سۆزلەشتۇق، بىز ئىككى تەرەپلىك ھەمكارلىق ۋە سىياسىي سۆھبەتنى كۈچەيتىش ئۈچۈن بىرلىكتە كۈچ چىقرىىشنى داۋاملاشتۇرىمىز» دېدى.