zélénskiy: rusiye ukrainada chéchiniyede ikki qétim yoqatqan eskerliridin köp eskirini yoqatti

türkiye awazi radiyosi xewiri:  ukraina pirézidénti wolodimir zélénskiy xelqqe xitab qilip sözligen nutuqida, rusiyening ukrainagha qiliwatqan hujumliri toghrisida toxtaldi.

u rusiye armiyesining qattiq qarshiliqqa duch kélidighanliqini oylap baqmighanliqini eskertip: «ruslar hazirdin bashlap urush arqiliq héchnimige érishelmeydighanliqini bilishke bashlidi» dédi.

u rusiyening ukrainada yoqatqanlirini ilgiri chéchiniyede yoqatqanliri bilen sélishturup: «pat yéqinda étip chüshürülgen tik uchar sani yüzlerge yétidu. hazirning özide 80 ayropilani étip chüshürüldi. yüzlerche tanka, minglarche oxshimaydighan herbiy esliheler yoqitildi. rusiye armiyesi 19 kün ichide, chéchiniyede ikki qétimliq qanliq we bir qanche yil dawamlashqan urushta yoqatqan eskeliridin köp eskirini yoqatti» dédi.

u rusiyediki urushqa qarshi chiqquchilargha teshekkür éytip: «heqiqetni bildürüshtin waz kechmige ruslargha minnetdarmen» dédi.

u rusiyege qarshi özlirini qollawatqan döletlerning émbargolirini dawamlashturuwatqanliqi üstide toxtilip, mundaq dédi:

«yawropa ittipaqi rusiyege qarshi tötinchi émbargo pilanini testiqlidi. buning axirqi émbargo bolmaydighanliqigha ishinimen.»

u urush boluwatqan sheherlerde tarqaqlashturush xizmetlirining dawamlishiwatqanliqini, özining bezi dölet rehberliri we teshkilat wekilliiri bilen téléfonda körüshkenlikini eskertip, ukrainada iqtisadiy islahat élip bérilishi üchün ministirlar kéngishining islahat pilani teyyarlighanliqini uqturdi.

u irpin shehiride rusiye eskerlirining hujumida jénidin ayrilghan amérikaliq zhurnalist brént rénad (Brent Renaud) ning ailisige mektup ewetip, teziyesini bildürdi.

amérikaliq zhurnalist brént rénad 13-mart (2022) irpinde musapirlarni süretke éliwatqanda, rusiye eskerlirining oq chiqirishi netijiside jénidin ayrilghan idi.