русийә беларусийә билән 20 дин артуқ маневир өткүзиду
русийә дөләт мудапиә министири сергей шойгу беларусийә билән бу йил (2022) 20 дин артуқ һәрбий маневир өткүзүлидиғанлиқини ейтти.
түркийә авази радийоси хәвири: беларусийә пирезиденти александир лукашенко билән пайтәхт минскта көрүшкән русийә дөләт мудапиә министири сергей шойгу, русийә-беларусийә бирләшмә һәрбий маневирлири тоғрисида байанат елан қилди.
у беларусийә билән 10-20-февралда «2022-иттипақдашлиқ қәтий ирадиси» бирләшмә һәрбий маневирлирини өткүзидиғанлиқлирини билдүрүп, русийәниң шәрқидин беларусийәәә һәрбий қисимлар вә қорал-йарағларниң әвәтилгәнликини әскәртти.
у кейинки күнләрдә «2022-шәрқ» маневириниңму өткүзидиғанлиқини билдүрүп: «бу йил 20 дин артуқ бирләшмә маневиримиз бар» деди.
беларусийә пирезиденти лукашенко мәзкур маневирлар арқилиқ украина билән чеграни күчәйтишни нишан қилғанлиқлирини билдүрүп: «вәзийәт кәскинлишиватиду, җаваб бериштә қийниливатимиз» деди.
у русийәниң маневирлар үчүн әвәткән һәрбий қорал-йарағларни сетивелишни пилан қилғанлиқлирини әскәртип: «бу нато вә украинаниң һәрикәтлиригә мунасивәтлик һалда иттипақдаш дөлитимиз үчүн интайин муһим» деди.
беларусийә дөләт мудапиә министирлиқиниң байанатида көрситилишичә, русийәниң һәрбий маневирлар үчүн әвәткән «S-400» һава қалқан системилири беларусийәгә йәткүзүлгән болуп, брест райониға җайлашқан полигондики маневирларға қатнаштурулиду.
مۇناسىۋەتلىك خەۋەرلەر
колумбийәдә тик учар чүшүп кетип 9 әскәр қаза қилди
колумбийәдә тик учар чүшүп кетип, бир генерални қошқанда, җәмий туққуз әскәр қаза қилди.