байдин кентаки иштатида талапәткә учриғучилар билән көрүшти
америка қошма иштатлири пирезиденти җо байдин 10 – декабир күни йүз бәргән боран - чапқун апитиниң еғир зәрбисигә учриған вә 74 киши қаза қилған кентаки иштатида зийарәттә болуп, талапәткә учриғучилар билән көрүшти.
түркийә авази радийоси хәвири: байдин, алди билән, кентаки иштатиниң майфелд районини зийарәт қилди, андин, боран - чапқун апитидә % 75 и вәйран болған давсон сиприңс райониға өтти.
зийарити әснасида талапәткә учриғучилар билән көрүшкән байдин, йәрлик даириләрдинму апәт һәққидә учур игилиди, һәмдә бу йәрдә қилған сөзидә, 10 – декабир кечиси йүз бәргән боран - чапқун апитиниң әң чоң палакәтләрдин бири икәнликини, боран – чапқунларниң әқилгә сиғмайдиғанлиқини, талапәткә учриғучиларға әң қисқа вақит ичидә йардәм берилидиғанлиқини тәкитләп мундақ деди: ««әмма силәр бу қийин өткәлдин чоқум өтисиләр вә җәмийитиңларни қайта қуруп чиқисиләр, бизму силәргә тегишлик йардәмләрни беримиз.»
10 – декабир кечиси, америка қошма иштатлириниң 6 иштатиға тәсир көрсәткән боран - чапқун апити җанға замин болған вә еғир талапәтләрни кәлтүрүп чиқарғаниди.
боран – чапқу апитиниң әң еғир зәрбисигә учриған кентаки иштатида, 2 айлиқ бир бовақниму өз ичигә алған 74 киши қаза қилғаниди.