җаммукәшмирдә һуҗум қилиш вәқәлири йүз бәрди

түркийә авази радийоси хәвири: һиндистан сақчилири, үч айрим һуҗумниң биринчисиниң сринагарда химийәшунас махан лал биндроға оқ чиқириш билән нәтиҗисидә мәйданға кәлгәнликини, балнистқа елинған кәшмирлик һинду биндрониң давалаш үнүм бәрмәй қаза қилғанлиқини, райондики һуҗумчиларни қолға чүшүрүш һәрикитиниң давамлишиватқанлиқини уқтурди.

хәвпсизлик күчлири, биринчи қетимлиқ һуҗумдин тәхминән бир саәт кейин бир сәййарә тамақ сатқучиниң сринагарда етип өлтүрүлгәнликини, үчинчи һуҗумниң болса, шималий һаҗин районида мәйданға кәлгәнликини, вәқәдә бир такси шопуриниң етип өлтүрүлгәнликини уқтурди.

сақчилар вәқәгә «террорлуқ һуҗуми» дәп баһа бәрди.