milléy: afghanistan armiyesi we hökümitining 11 künde yimirilidighanliqini héchkim bilmeytti
amérika armiyesi bash ishtab bashliqi mark milléy, afghanistan armiyesi we hökümitining talibangha 11 kün ichide yéngilidighanliqigha dair héchbir ibare körmigenliklirini éytti.
türkiye awazi radiyosi xewiri: amérika armiyesi bash ishtab bashliqi mark milléy amérika mudapie ministiri loyd awstin bilen mudapie ministirliqida ötküzgen qoshma muxbirlarni kütüwélish yighinida, afghanistandin hazirghiche besh ming ademning tarqaqlashturulghanliqini bildürdi.
afghanistandiki weziyetning nahayiti xeterlik we özgirishchan ikenlikini tilgha alghan milléy, nöwettiki muhim ishlirining afghanistandiki amérika puqraliri we amérikagha yardem qilghan afghanlarni tarqaqlashturush ikenlikini qeyt qildi.
u, ayrodurumdiki weziyetning tinchlanghanliqini, emma herqandaq tehditke ikkilenmestin herbiy heriketler arqiliq jawab qayturulidighanliqini sözlirige ilawe qildi.
milléy afghanistan armiyesining nahayiti qisqa waqit ichide tire – piren bolup kétishi toghrisida toxtilip: «ne men, ne bashqa biri (afghan) armiyesi we bu hökümetning 11 kün ichide yimirilidighanliqigha dair birer ibare körmiduq» dédi.
amérika mudapie ministiri awstinmu «taliban bilen düshmenche sürkilish bolmidi we taliban qomandanliri bilen alaqe qanallirimiz ochuq dégen ibarilerni ishletti.
awstin kabulda nöwette tarqaqlashturush xizmetlirini orundawatqan 4500 etrapida amérika eskirining barliqini bildürdi.
imkaniyetning yétishiche köp ademni tarqaqlashturushni xalaydighanliqlirini, biraq hazir közligen nishangha yételmigenliklirini eskertken awstin, hamid karzaiy xelqara ayrodurumigha kelgenlerni tarqaqlashturuwatqanliqlirini, emma, ayrodurumning sirtigha chiqip köp sanda kishini élish qabiliyetlirining yoqluqini sözlirige ilawe qildi.
