рийад әлмалики исраилийәни агаһландурди
пәләстин ташқи ишлар министири рийад әлмалики, исраилийәни ишғал астидики ғәрбий қирғақни қошувелишиниң кәлтүрүп чиқиридиған ақивәтлириниң болидиғанлиқини ейтип агаһландурди.
түркийә авази радийоси хәвири: пәләстин ташқи ишлар министири рийад әлмалики бирләшкән дөләтләр тәшкилати (б д т) хәвпсизлик кеңишидә сөз қилип, хәлқара җәмийәтни исраилийәни қошувелиш пиланидин ваз кәчтүрүш үчүн һәрхил җазаларни өз ичигә алған «үнүмлүк тәдбирләр»ни қоллинишқа чақирди.
қошувелишниң җинайәт икәнликини вә исраилийә – пәләстин мунасивәтлирини қайтиш мумкин болмайдиған бир йолға киргүзүп қойидиғанлиқини билдүргән малики, «исраилийә қошувелишниң тез кәлтүрүп чиқиридиған ақивәтлириниң болидиғанлиқини билиши керәк» деди.
у йәнә барлиқ дөләтләрни пәләстинни етирап қилишқа чақирип, «һәммә дөләт бәк кечикип кәтмәстин йөнилишни өзгәртиш, исраилийә ишғалини тохтитиш вә икки дөләтлик һәл қилиш чарисини қутқузуп қелишқа йардәмчи болидиған күчкә игә » дегәнләрни қәйт қилди.
